محمد شريف يحسم الجدل بشأن تعاقده مع الزمالك مقابل 50 مليون جنيه سنويًا

حسم اللاعب  محمد شريف، الجدل بشأن التحاقه بالزمالك، موضحًا: "أنا عندي ماتشين مع فرقتي في السعودية وعندي عروض بدرسها بس بتأني ومش عايز استعجل على حاجة أندم عليها".

وأضاف في برنامج "كلام الناس" المذاع على قناة "إم بي سي مصر"، تقديم الإعلامية ياسمين عز،" "لسه محدش في أي نادي كلمني.. وبفضل يكون الكلام مع وكيلي سيد مصطفى، علشان ما يبقاش شكلي وحش لو ما كملتش في الصفقة". 

وطلبت  ياسمين عز، من ضيفها حسم الجدل للجمهور حول ماأثير عنه بشأن تعاقد الزمالك معه بمبلغ 50 مليون جنيه سنويًا، حيث أكد أن هذا الكلام خاطئ ولا يمت للواقع بصلة"، مضيفًا: "ما حدش بيقول الرقم مرة واحدة كده للاعب، لازم يسألوه الأول هل موافق يلعب لصالح النادي ولا لأ".

ولفت إلى أنه يرغب في اللعب لصالح النادي الذي يقدره ويدفع فيه مبلغ أكثر تقديرًا على خدماته، مؤكدًا أنه لم يحسم موقفه بعد للعب للأهلي أو الزمالك.

في وقت سابق وجهت الإعلامية ياسمين عز، رسالة جريئة للفتيات حذّرت فيها من قضاء الوقت في التسلية على الهاتف المحمول دون فائدة حقيقية.

نصائح ياسمين عز للفتيات 

وقالت في برنامجها "كلام الناس"، المذاع على فضائية "MBC مصر" للفتيات "قومي اغسلي المواعين، أو زاكري، وروحي أغسلي تل المواعين اللي في المطبخ  بدل ما أنتي قاعدة وماسكة الموبايل، وبتقولي لمامتك إني بذاكر".

وواصلت "الموبايل مش هينفعك، ولا أحمد اللي بتفكري إنه هييجي في الإجازة ويتقدملك، هو مش بيفكر فيكي أصلاً، ومش هيتجوزك، وهيتجوز واحدة تانية".

وجهت الإعلامية ياسمين عز، خلال حلقة اليوم من برنامجها "كلام الناس" المذاع على شاشة "MBC مصر"، مجموعة من النصائح للسيدات بمزيج من الطرافة والواقعية.

نصائح للمقبلات على الزواج 
وقالت عز: "قومي رتّبي الدولار ودخّلي الهدوم الشتوي وطلّعي الصيفي، واتبرعي بالهدوم اللي مركونة في الدولاب واللي مش داخلة فيكي، هنديها لحد محتاج".

واستكملت بنبرة ساخرة: "مفيش حاجة اسمها لما أخس هلبسها.. أنتي مش هتخسي ومعندِكِيش إرادة، أنتي لسه أكلة فسيخ".

وجهت الإعلامية ياسمين عز، خلال حلقة اليوم من برنامجها "كلام الناس" على قناة "MBC مصر"، مجموعة من النصائح الطريفة والصريحة للفتيات المقبلات على الزواج، مشددة على أهمية الاهتمام بالنظافة الشخصية والمظهر الطبيعي دون مبالغة.

وقالت ياسمين ساخرة: "ليه قبل الفرح بيومين تيجي تقولي عايزة بشرتي تبقى زي جورجينا؟ هو الدكتور ده ساحر؟"، مضيفة: "أنتِ مش محتاجة تنضيف بشرة، أنتِ محتاجة تنضيف مخ".

وتابعت حديثها بنبرة ساخرة: "شعرك مزيت؟ روحي اغسليه، مفيش حاجة اسمها أعمل تسريحة بيلا حديد على شعر مزيت، ولا دراي شامبو، الله يرحم جدك، دي حاجات مش للفرح خالص".

وأردفت: "لو سبتِ شعرك كده، الزيت هينزل على وشك وإنت نايمة، وتلاقي نفسك صحيتِ على حباية قد الحمصية، وتروحي لدكتور الجلدية تندميه على شغلانته".

وختمت قائلة: "بالمناسبة، شعرِك المزيت ده ممكن نعمل منه مشروع زيت عباد الشمس ونكسب بيه.. بس بلاش تروحي الفرح كده".

وجهت الإعلامية ياسمين عز مجموعة من النصائح الطريفة للسيدات، خلال حلقة برنامجها "كلام الناس" المذاع عبر فضائية "إم بي سي مصر"، بمناسبة الجولة الرابعة من الدوري المصري الممتاز.