يارا تامر زوجة مسلم: أنا واثقة من نفسي.. وجوزي عمره ما هيستغنى عني
ردت يارا تامر، زوجة مطرب المهرجانات مسلم، على سؤال إحدى متابعيها التي طلبت منها توجيه رسالة إلى الأشخاص الحاقدين.
وكتبت يارا تامر عبر حسابها بموقع فيسبوك: “عمري ما هضيع دقيقة من وقتي وأطلع أرد الغلط أو أنزل من مستوايا للناس دي.. أنا مشغولة بحياتي الجديدة وجوزي.. ومفيش حد فارق معايا.. خلاص هوهوو براحتكم .. أنا واثقة من نفسي وعارفة أن مهما حصل جوزي مش هيستغنى عني.. وعارف مراته محترمة وبنت ناس إزاي”.
كانت زوجة مسلم كتبت منشورًا غامضًا عبر ستوري حسابها بموقع إنستجرام، زعم البعض أنها تقصد من خلاله ميكا البغدادي طليقة مسلم، حيث كتبت: "يا جماعة والنبي أي واحدة ملهاش لازمة ومحدش معبرها، بتتكلم عني أو عن جوزي، دي ولا تسوا، ولو أنا مش عاملة اعتبار لمسلم ومش عايزة أعملها قيمة، كنت طلعت فهمتكم هيا إيه، بس هيا عايزة تتشاف وخلاص من زمان، فمش هعملها اللي هيا عايزاه، وهفضل معتبراها كلبة بتهوهو، ودي أكثر حاجة قتلها.. ياحرام".
جاء رد يارا تامر في الوقت الذي نشرت فيه ميكا البغدادي، طليقة مسلم، منشورًا غامضًا كتبت فيه عبر حسابها بموقع انستجرام: "أنا بعيدة عن أي حاجة بس لما توصل أن حد يقرب لحياتي أو يجرني لمشاكل ههد الدنيا".
كانت أزمة اشتعلت بين يارا تامر زوجة مسلم وبين البلوجر أروى قاسم، وأدى الأمر لبتادل الاتهامات بينهما، الأمر الذي دفع مسلم لتوضيح الأمر لجمهوره والدفاع عن زوجته.
مسلم ينفعل على متابعيه: كفاية قرف
وأعرب مسلم عن انزعاجه الشديد من انتقادات المتابعين على السوشيال ميديا بعد حفل زفافه، حيث قال في فيديو عبر حسابه بموقع تيك توك: “اللي واخذين فرح مسلم محتواهم مش خلاص كفاية ولا إيه الدنيا؟ ما زهقتش!!.. ده أنا شخصيا صاحب الفرح وزهقت كل ما أقلب على التيك توك ألاقي كلام، خلاص خليك في حالك مش عاوزين رأيك كفاية قرف وركوب على التريند”.
