مصطفى بكري: شعبية الرئيس السيسي في السما.. وهو أول رئيس يقول لترامب لأ (فيديو)

أكد الإعلامي مصطفى بكري على حديث الرئيس عبد الفتاح السيسي برفض مخطط التهجير الذي يدعوا إليه الإسرائيليين والرئيس الأمريكي دونالد ترامب، والذي شدد على رفض مصر الاقتراح جملة وتفصيلا، كما أن حقوق الشعب الفلسطيني مصانة بمقتضى قرارات الأمم المتحدة.

الإلحاح هيفضل مستمر

وأضاف الإعلامي مصطفى بكري خلال تقديم برنامج«حقائق وأسرار» والمذاع عبر فضائية «صدى البلد»: «الإلحاح هيفضل مستمر، لأنه عاوز يصدرلك المشكلة ويورطك، تجيله شمال يجيلك يمين، لقاك ثابت في موقفك بدأ يتلكك ويحرض عليك، مرة بالكلام عن قدرات الجيش المصري، ومرة اتهامك باختراق اتفاقية السلام، ودا اسلوب الصهاينة دايما، يبدأ بالتحريض ويفتعل الأزمة وبعدها يعمل أي حاجة».

الاستعداد لأي تطورات

وشدد «بكري»: «علشان كده لازم نبقى صاحيين، واحنا صاحيين وحريصين وزي ما قال الرئيس السيسي وبعده وزير الدفاع، لازم قواتنا تبقى في أعلى جاهزية لأي تطورات مفاجئة، مهما عملوا مش هيقدروا علينا، وقبل كده عملوها 56 و 67 ودخلوا واعتدوا».

 الرئيس السيسي حسم الموقف     

ووجه الإعلامي مصطفى بكري رسالة إلى المواطنين قائلا: «انا عاوز المصريين دايما شعبنا العظيم، عاوزين دائما عند مستوى المسؤولية وعند مستوى الحدث وإحنا كده، أنزل في الشارع وشوف الناس، الناس نسيت كل حاجه والتفت حول بلدها وحول الرئيس، شعبية الرئيس بقت في السماء، لأن عبر عن الناس واتكلم بقوة وحسم واخد القرار السليم».

واستكمل «بكري»: «والله الشعب المصري تمشي في كل حته يقولك الرئيس بتاعنا راجل، ما رديش يروح لترامب، وهو أول رئيس يقول لترامب لأ، لأن دي حقوقنا».

 خطورة ما يتردد

وحذر الإعلامي مصطفى بكري من خطورة ما يتردد قائلا: «أوعوا تفتكروا إن إحنا ناس نايمين على عنينا، لأ، إحنا فاهمين انتوا بتفكروا إزاي، وفاهمين عقيدتكم بتقول أي، اللي انتوا عاملينها بطريقتكم إن إحنا كذا وهناخد كذا ونسوي كذا، وعارفين كويس أوي كيف تدمرون الشر للمنطقة بأثرها، بس إحنا لحمنا مر، إحنا شعب مصري مرتبط بأرضه، إحنا جيش وطني ما بيهددش حد بس بيحمي حدود بلده».