"اشمعنى هو".. عبدالواحد السيد يفجر مفاجأة بشأن رحيل زيزو عن الزمالك

تحدث عبدالواحد السيد مدير الكرة السابق بنادي الزمالك، عن تعامل النادي مع أحمد سيد زيزو، قبل رفضه تجديد عقده والاقتراب من الانضمام للنادي الأهلي.

وقال عبدالواحد السيد في تصريحات عبر قناة "إم بي سي مصر 1”: “جمهور الزمالك زعل من قصه زيزو لان اللاعب كان دايما موصل احساس إنه شاري النادي وإنه مش رايح في حته ولاخر لحظة كان بيقول كده وهو مخلص كل حاجه من برا”.

أضاف: "أكثر واحد كان بياخد فلوسه بانتظام هو زيزو في الزمالك، كان بياخد فلوسه من برا النادي عن طريق الاستاذ ممدوح عباس وكان متكفل بمستحقاته اول بأول".

وأكمل: "أغلب اللعيبه كانت بتسأل اشمعنى.. أو واحنا يا كابتن .. كنت بقوله هات حد بيحبك من برا يدفعلك".

وأوضح: "زيزو ملوش مستحقات واللي بيقوله 70 مليون ده مش صحيح .. اللي بيقوله ده تنفيط العقد ده كده عايز ياخد عقده مرتين مش طبيعي يعني".

وتابع: "زيزو يعتبر شبه اللاعب الوحيد اللي كان بياخد كل قرش من الفلوس اللي مكتوبه في عقده .. بل بالعكس كمان كام بياخد كمان ترضيات من برا".

واختتم تصريحاته: "كمستحقات وترضيات مفيش لاعب في تاريخ الزمالك خد زي زيزو ومفيش حد ضحى ده كلام ضحك".

أقرأ أيضا.. هل يتحدى الرمادي الزمالك لمشاركة زيزو في نهائي الكأس؟.. مصدر يفجر مفاجأة

مازال مسلسل أزمات أحمد سيد زيزو، لاعب الفريق الأول لنادي الزمالك، عرض مستمر، بعد اقترابه من الرحيل عن القلعة البيضاء.

وينتهي عقد زيزو مع الزمالك، بنهاية الموسم الحالي، ورفض كل محاولات التجديد مع الأبيض، مفضلا الانتقال للغريم التقليدي النادي الأهلي في صفقة انتقال حر.

ويتبقى لزيزو مع نادي الزمالك ثلاث مباريات حتى يستطيع الرحيل بشكل رسمي، مباراتين في بطولة الدوري المصري، ومباراة في نهائي كأس مصر أمام بيراميدز.

ولم يحسم الجهاز الفني للفريق الأول لنادي الزمالك بقيادة أيمن الرمادي، مشاركة زيزو في المباراة النهائي أمام بيراميدز المقرر لها يوم 5 يونيو المقبل على استاد القاهرة الدولي.

أقرأ أيضا.. الأهلي يحدد موعد إعلان صفقة زيزو.. مفاجأة كبرى قبل المونديال

حدد النادي الأهلي موعد إعلان ضم أحمد مصطفى زيزو جناح الفريق الأول لكرة القدم بنادي الزمالك والذي انهي المارد الأحمر كافة تفاصيل الإتفاق للتعاقد معه