عمرو أديب: «العالم بيخترع وفي ناس لسه بتترحم على مبارك وناصر والسادات!»| فيديو

شن الإعلامي  عمرو أديب هجومًا حادًا على السوشيال ميديا، بسبب عبارة "في حاجة كبيرة هتحصل اليومين الجايين".

وأضاف في برنامج " الحكاية ": المذاع  على قناة “إم بي سي مصر”، قائلًا: “ ياجماعة كفاية بقى تعبت والله، الدنيا طايرة وبتبني وبتعمر وبتستثمر وانتوا قاعدين في البلاء”.

وتابع: “كفاية بجد إحنا بلد كبيرة وارد يحصل أي حاجة في أي وقت.. ولا انتوا عايزين تيجيوا عليها واطيها!”

وأضاف: " في ناس بتقول ولا يوم من أيامك يا مبارك.. يا.. انتو كنتوا بتسبوا الملة كل يوم!،، ده في ناس لسه بتترحم على عبد الناصر والسادات!".

وعبر عن استيائه الشديد قائلًا: “ بشويش ياجماعة.. يلعن أبو السوشيال ميديا اللي جدننت الناس!”.
 

إلغاء الدوري المصري

وقال الإعلامي عمرو أديب، في بداية الحلقة، إنه انفرد منذ يومين بأن نادي بيراميدز،  يقوم بعمل شكاوى ورسائل للجهات الدولية مما يحدث في الدوري المصري.

وأضاف في برنامج "الحكاية" المذاع على قناة "إم بي سي مصر": الجهات المصرية بدأت تتحدث عن احتمال وقف النشاط الرياضي وإلغاء الدوري المصري وعدم إعلان اسم الفائز بالدوري.

وأكد أديب: "والله مش بتكلم علشان أنا زملكاوي"، بس لما اتكملت كان وراد ايقاف الدوري بنسبة 10% دلوقتي النسبة بقت 50%" .

حادث واشنطن

كما علق عمرو أديب، على حادث واشنطن الذي نفذه  إلياس رودريجز، قائلًا: “الدنيا اتقلبت ووقفت على رجلها على اثنين وفي نفس الليلة استشهد 100 مواطن بغزة.. هو ده إرهاب وده إرهاب..هما أحسن مننا في ايه؟”.

وأضاف: "إلياس.. قعد قعدة السنوار وتم القبض عليه بعد قتل الإسرائليين بـ 10 رصاصات.

وتابع: "تم تكثيف الحراسة على جميع المنشئات الإسرائيلية وقلبهم يقطر دمًا  وحزنًا على الاثنين الذين قتلوا!".

وتعجب، من استباق المحكمة، حكمها وقالت للجاني أمامك سجنًا مدى الحياة أو يتم اعدامك، مضيفًا: “في زلزال علشان اثنين.. طب وإحنا!؟.

وأكد عمرو أديب، أن هناك ظلمًا بينًا يحدث في العالم، ويمارس بقسوة ضد الفلسطينيين، فيما اهتز العالم لمجرد قتل اثنين إسرائليين.