"ربنا أنعم عليا بـ6 أُمهات".. رانيا فريد شوقي تحيي ذكرى وفاة خالتها

أحيت الفنانة رانيا فريد شوقى، ذكرى وفاة خالتها، حيث نشرت صورة لها عبر حسابها الرسمي بموقع التواصل الاجتماعي "انستجرام". 

وكتبت رانيا فريد شوقي : "السنوية التانية لخالتي سمارة اسم الدلع لكن اسمها سناء انا ربنا انعم عليا ب٦ امهات ماشاءالله عشت في حضنهم وحنيتهم كنت بستني يوم الخميس عشان بنتجمع كلنا الخالات واولاد خلاتي وجدو  واحلي هزار وضحك وغنا وأكل و فسح عشت أحلي طفولة كلها حب وفرح وموده حتي لما كبرنا فضلنا برضه نتجمع فعلا اهلك لا تهلك ربنا يرزق كل الناس بمحبة الاهل وبرهم .. الله يرحمك يا حبيبتى ويغفر لك ويسكنك الفردوس الأعلى ويصبرنا علي فراقك". 

ده مش بس ظلم، ده طمس للحق

وفي سياق اخر، دافعت الفنانة رانيا فريد شوقي عن الإعلامية بوسي شلبي، بعد بيان أسرة الفنان الراحل محمود عبد العزيز والذي اتهمت فيه الإعلامية بما وصفته ادعاءات كاذبة بشأن أنها كانت على ذمته قبل الوفاة وأن المأذون قد قام بتزوير إشهاد طلاقها.

وكتبت رانيا فريد شوقي عبر صفحتها الرسمية بموقع فيسبوك: "في حاجات صعب تتقال، بس الأصعب إننا نسكت عنها .. لما تكون ست محترمة، عاشرت راجل بكل اخلاص لأكتر من 20 سنة، في النور، والناس كلها كانت شاهدة، وفجأة يتقال إنها ما كانتش زوجته؟ ده مش بس ظلم، ده طمس للحق، وتجريح في سيدة كانت زوجة بكل معنى الكلمة، في العِشرة، في الستر، في الوفاء".

يذكر أن الفنانة رانيا فريد شوقي، هنأت الفنان عادل إمام بمناسبة عيد ميلاده، ونشرت صوره له عبر حسابها الشخصي بموقع التواصل الاجتماعي "إنستجرام". 

تهنئة الزعيم

وكتبت رانيا فريد شوقي: "يا زعيم، كل سنة وأنت البسمة اللي طمنت قلوبنا، والصوت اللي حكى حكايات الناس البسيطة بعبقرية".
وتابعت: "كل سنة وأنت بتكبر في عيوننا، مش بس كفنان، لكن كرمز زرع الفرح جوه كل بيت،عيد ميلادك مش بس عيد ليك، ده عيد للفن، للناس، للذكريات الحلوة والضحكة اللي من القلب اللي بتهون كتير من مشاكلنا، كل سنة وأنت بخير، وقلوبنا دايمًا داعية لك بالصحة وطول العمر".