"وحشتني".. مها الصغير تعبر عن اشتياقها لأحمد السقا بعد طلاقهما

تحدثت الإعلامية مها الصغير في وقت سابق قبل إعلان انفصالها، عن الفنان أحمد السقا وكشفت عن موعد تعارفهما سوياً، وتحدثت عن قلق والدها بشأن زواجها بسبب صعوبة الحياة في الوسط الفني كما أنها كشفت عن اشتياقها للفنان أحمد السقا. 

تفاصيل الزواج

وقالت مها الصغير: "اتجوزت وأنا في أخر سنة في الجامعة وهي الترتيبات جت كدة لأن جوازي كان عن حب وليس جواز تقليدي، وأنا أتعرفت علي أحمد السقا، وأنا عندي ١٨ أو ١٩ سنة تقريبا واتعرفنا علي بعض في الفروسية كنا بنركب خيل إحنا الاتنين". 

وأضافت مها الصغير: "لما أحمد السقا اتقدملي كان والدي قلقان عليا من الوسط الفني، لأنه صعب وحياة مش سهلة وعليه أضواء كتير".

الحياة الشخصية

وأثناء اللقاء، تحدثت مها الصغير عن حياتها الشخصية مع الفنان أحمد السقا وقالت: "أحمد السقا مش هو فنان كبير ومعروف ؟.. هل لازم علطول يبقي معاه فلوس؟.. ناس كتير متعرفش هو بيمر بإيه أو عنده التزامات إيه.. هو ممكن يكون مثلا دخل في مشروع وخسر وبدأ من الأول.. الناس متعرفش الداخليات كل واحد بيمر بظروف وبيقع.. أنا غلط الصراحة إني كنت صريحة أوي، لأن أنا فعلا حطيت نفسي مكان الناس قلت فعلا ممكن ردي ده يكون مستفز". 

عدم التفاهم 

وتابعت مها الصغير: "مش مع إن الجوازة بايظة يبقي الواحد يكمل وخلاص أنا مش مع دي، لأن ربنا مقالش كده لما الجوازة بتوصل لمرحلة إن مفيش الأشياء اللي ربنا قالنا عليها، وحاولتي مرة واتنين وتلاتة وعشرة، وحاولتي علشان علاقتكوا وعلشان أولادكوا ومبقاش فيه شغف، إن يبقي في كلام أو صداقة، لأن أهم حاجة بشوفها في الجواز الصداقة، بجانب إن مبقاش فيه ثقة أو احترام، فأنا مش مع إن الست تكمل أو الراجل يكمل". 
 

علماء النفس 

وقالت مها الصغير: "وعلماء النفس اختلفوا.. في علماء نفس قالوا إن أكبر صدمة في الحياة الموت والبعض قال الطلاق.. لأن الجواز حياة كاملة ولما بينتهي بالطلاق، فبالتالي كده إنتي بتخلصي الحياة وبتعمل صدمة علشان تتعافي منها.. بتاخدي وقت سنين علي حسب عيشتي فيها أد إيه".

الاشتياق 

وتابعت: "بس أحب أقوله إنه وحشني وكل حاجة اتغيرت بعد ماسابني.. كل حاجة اتغيرت.. وبزعل أوي لأنه كان بيدعمني جدا ومحدش عوض غيابه عني" .