وحشتني يارفيق العمر .. زوجه شيكا توجة رسالة مؤثرة في اربعينه
في كلمات مؤثرة حملت الكثير من الحزن والشوق، وجهت هبة أيمن، أرملة نجم الزمالك الراحل إبراهيم شيكا، رسالة إلى زوجها مع إتمام أربعين يومًا على وفاته.
وعبرت هبة عن عمق ألمها وحجم الفراغ الذي تركه رحيل شيكا في حياتها، وكتبت عبر حسابها الشخصي على "إنستجرام":
"بكره الأربعين بتاعك يا حبيبي 💔 أربعين يوم وأنت مش موجود معايا مش عارفة أشوفك ولا أشمك ولا أسمع صوتك بتنادي عليا !!! مش عارفه آخدك في حضني ولا أتكلم معاك وأشوف ضحكتك اللي كانت مصدر قوتي 💔💔 أربعين يوم عدوا عليا بالوجع والقهر والعياط مش بنام ولا عارفه أهدي نار قلبي يا حبيبي وحشتني أوي نفسي أشوفك أوي وأحضنك وأشتكيلك من اللي حصل في غيابك كل ما الدنيا بتيجي عليا وبتظلم أكتر بحتاجك معايا أكتر يا سندي مهما تغيب هتفضل أحسن وأهم وأحلى حاجة حصلتلي من ساعة ما اتولدت الدنيا عمرها ما نصفتني وكنت عارفه إنها مش هتكمل ❤️🩹❤️🩹
وتابعت :" استكترتك عليا الدنيا استكترت عليا الفرحة والأمان يرحمك يا نور عيني وحشتني أوي والله العظيم اللهم عافيه وأعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس يارب اللهم ارزقه الجنة بغير حساب ولا سابق عذاب يارب العالمين يارب عوض شبابك في الجنة يا حبيبي وتاكل وتشرب وتنام من غير وجع ولا مسكنات ويجعل تعبك شفيع ليك يوم القيامة يا حبيبي وتختارني معاك في الجنة يارب ❤️🩹
واكمل : كان نفسي أعيش عمري معاك يا حبيبي كان نفسي نربي عيالنا كان نفسي تفضل في ضهري لحد ما أموت كان نفسي أنت اللي تشيل نعشي مش أنا اللي ضهري أتقطم بعدك كنت محتاجك جنبي أنا متعودتش أعمل حاجة من غيرك معرفتش يعني إيه حياة غير معاك حياتي وقفت ينفع كده يا حبيبي هو ده الوعد 💔💔 هقوم عشان أعوضك فين العوض ده في حرقة قلبي وروحي في غيابك عايشه بجسمي بس وروحي انطفت حاسه إني هموت من القهر يا إبراهيم آكل إزاي وأنا باكل وأشرب معاك أنام إزاي وأنا كنت بنام في حضنك أروح وأجي فين وكل مكان ليك ذكرى فيه لابسك وجزمك وساعاتك وكل حاجة تخصك أعمل إيه يا إبراهيم قلبي اتدغدغ ❤️🩹 وحشتني أوي يا حبيبي وحشتني يا رفيق العمر."
