أنا لازم أبقى جنبك أول واحد.. تامر حسني يرد على إشادة «كزبرة»

رد الفنان تامر حسني على الفنان أحمد بحر، المعروف بـ "كزبرة"، بعد أن أشاد الأخير بأسلوب تامر في تعامله مع الجيل الجديد وفهمه لثقافة المهرجانات.

وقال تامر حسني عبر صفحته على فيسبوك: "يا حبيبي يا بحر، إنت أخويا وزمايلك زمايلي، إنت دلوقتي فنان كبير وناجح في الغناء والتمثيل، وأنا لازم أبقى جنبك أول واحد .. وأهم شيء إنك فنان بتحترم قوانين نقابتنا المحترمة، ونقيبنا الأخ الغالي المحترم مصطفى كامل اللي في ضهرنا كلنا .. ربنا يوفقك يا بحر البحور يا عسل، إنت، وألف ألف شكر على كلامك الغالي أوي ده".

وكان الفنان أحمد بحر، المعروف بـ "كزبرة "، نشر منشورًا عبر صفحته الشخصية على موقع التواصل الاجتماعي "فيس بوك"، أشاد فيه بنجم الجيل تامر حسني وأسلوب تعامله مع الجيل الجديد وفهمه لثقافة المهرجانات.

وكتب "كزبرة" في منشوره: "أنا بس حابب أقول حاجة في حق الراجل ده تامر حسني ده فنان كبير بمعنى الكلمة لأنه بيعرف يواكب العصر وعارف إزاي يتعامل مع الجيل الجديد وثقافته، لأنه فاهم يعني إيه ثقافة مصرية وفاهم إن المهرجان ده مزيكا مصرية بتفرح الناس البسيطة في أفراحهم ومش بس البسيطة بتفرح كل الطبقات."

وأضاف كزبرة:" وبتمثل الشارع المصري وإن مزيكا المهرجان ليها مكانتها في كل دول العالم، والغرب برة بيقدروا نوع المزيكا دي. ولو في ناس هتختلف على الكلام ده، الزمن هيثبتلكم ده قدام. وكلها أيام والأغنية هتنزل وهتعجب كل الناس.. قلودة."

تُجسد كلمات "كزبرة" تقديره الكبير لتامر حسني في مجاله الفني، وتُبرز فهمه العميق للثقافة الموسيقية المصرية وقدرتها على التأثير والإسعاد لكافة طبقات المجتمع.

تعاون فني يجمع بين تامر حسني وكزبرة

وفي السياق ذاته، فقد أعلن النجم تامر حسني عن تعاون فني جديد يجمعه بالفنان الشعبي كزبرة، في أغنية من المقرر أن يتم طرحها للمرة الأولى خلال حفله المرتقب ضمن فعاليات RedBull Jukebox، بمشاركة الفنان أحمد بحر "كزبرة".

وشارك تامر حسني جمهوره لحظات فكاهية من كواليس التحضير لأغنية “ قلودة ” ، من خلال مقطع فيديو طريف نشره عبر حسابه الرسمي على "إنستجرام"، ظهر فيه بصحبة كزبرة داخل فيلته، حيث تبادلا المزاح، حتى قام تامر حسني بحمل كزبرة بطريقة مرحة ووضعه في السيارة قائلًا له:"كفاية بقى أنا زهقت.. امشي بقى يا عم!"

وعلق تامر حسني على الفيديو قائلاً:"نورتني يا حبيبي.. طبعًا دي أقل حاجة في هزارنا العادي.. استنونا شوية وهنزلكم حتة من أغنيتنا اللي بنحضرها من كام يوم عشان نغنيها في حفلة RedBull Jukebox."

وأضاف تامر حسني أنه سيتم إطلاق تحدي خاص بالأغنية، حيث دعا الجمهور إلى حفظ حركات الأغنية والمشاركة فيها، مشيرًا إلى أن أفضل 10 مشاركين في تنفيذ الحركات سيتم استضافتهم في الحفل، بل وسيشاركون في أداء الأغنية معه على المسرح.