“أنا عايز أنجح”

كل واحد بيقول كده… “أنا عايز أنجح في شغلي.”
طيب، إيه الحل؟
الرد الجاهز دايمًا: “اشتغل!”
طب ما أنا بشتغل يا سيدي، بس شغلي مش مديّني حقي، لا تقدير ولا مقابل. أعمل إيه؟

الإجابة اللي مش ناس كتير بتحب تسمعها:
ادي الشغل حقه… واصبر.
اشتغل بضمير، وابذل مجهودك بصدق، وصدقني ربنا مش هيسيبه يضيع.

الموضوع مش وعظ ديني ولا إحباط، دي سنة كونية ماشية على الكل:
“إن الله لا يضيع أجر من أحسن عملاً”،
سواء مسلم أو غير مسلم، اللي بيحسن عمله، بياخد أجره.

بص حواليك، هتلاقي أمثلة كتير:
اللي جد، لقى…
واللي زرع، حصد…
بس الفرق إن فيه ناس زرعت وصبرت، وفيه ناس زرعت واستعجلت المحصول ومشيت قبل ما يطلع.

فـ لو عايز تنجح:
اشتغل، واصبر، وثق، وارضى…
النجاح مش بعيد، بس محتاجك تكمل.