بعد التسجيل الصوتى لخدمة العملاء : كريم رامزي “ دي مش جدعنة خالص”
نشر الاعلامي كريم رمزي، تدوينه عبر حسابه الرسمي بموقع التواصل الاجتماعي “ فيسبوك ” يعلق من خلالها علي تسجيل صوتى متداول بين موظف خدمة عملاء احدى شركات الاتصالات واحد الاشخاص .
وكتب كريم رمزي “ سمعت تسجيل صوتي دلوقي لحد بيهين موظف الكول سنتر بتاع شركة اتصالات وبيزعق معاه علشان اعلان حسب ما افهمت”.
وتابع :" أنا الحقيقة ملحقتش أشوف الاعلان قبل ما يتمسح ولو فيه أى اهانة لنادي الزمالك زي ما شوفت أصدقاء كاتبين فده مرفوض مليون في المية".
وأضاف :" لكن انك تزعق لموظف بيعمل شغله مالوش أى علاقة بالاعلان وتنزل تسجيل الصوت علشان تبقى بطل الأبطال اللي جاب حق نادي الزمالك، دي مش جدعنة خالص والله".
صاحب دور المجنون في إعلان الأهلي يرد على انتقادات الجماهير
و في سياق اخر، حرص أحمد كمال، الذي قام بدور "المجنون" في إعلان "الأهلي حالة" بارد علي انتقدات التى وجهت للاعلان وترى انه يسيء لنادي للزمالك .
وقال أحمد كمال في فيديو له عبر حسابه بموقع "إنستجرام": عايز اقول لكم على حاجه مهمه جدا بخصوص اعلان الاهلي ناس كتيره جدا من اخواتنا الزملكاويه طبعا يعني انتم عارفين ان ده شرف كبير لي يعني و انا اول ما عرفت ان انا هطلع في اعلان الاهلي انا وافقت بدون يعني اي حاجه".
وتابع:" حاجه مهمه جدا بخصوص الناس كتيره جدا كاتبين في الاعلان ان انا عامل مجنون الزمالك وان العربيه من ورا خطين بيض، ياجماهة الاسعاف هو شكله كده طول عمره و الله العظيم ثلاثه يعني ربنا يشهد على كلامي انا جالي سيكونس باسم مجنون الاهلي الموضوع و الاعلان ما لوش اي علاقه بالزمالك ولبس المجانين ده هو لونه ابيض والسيكونس و المخرج ما حدش جاب سيره الزمالك خالص في الاعلان محدش كان قصده حاجه".
وأضاف:" في نظريات طالعه من امبارح وفي ناس كثيره جدا زملكاويه متضايقين مني وبعتت لي وانت ازاي تعمل فينا كده وبتاع وحتى اصحابي والله العظيم ثلاثه والله كمان مره لا قصدنا ولا كان ده في حاطينه في الحسبان ولا اي حاجه حبيت اوضح دي حاجه مهمه جدا عشان مش عايز حد يزعل مني دي
واختتم قائلاً:" توضيح برضو مكانش المقصود بالزمالك، هو الاعلان كله عباره عن الاهلي والاهلي بحاله وانتم عارفين طبعا ان انا عاشق اللي كاين النادي الاهلي وبعشق مانشستر يونايتد ".
