عمرو أديب للحكومة عن تطوير وسط البلد: تقعد وتحط رجل على رجل
تحدث الإعلامي عمرو أديب عن بعض المخططات التي تم افتتاحها للتطبيق لتطوير منطقة وسط البلد بالقاهرة الخديوية، مشيرا إلى أن لدينا عمارة يعقوبيان وعمارة الايموبيليا والبارون وغيرها من الأماكن الأثرية، مشيرا إلى أن معظم تلك الأماكن هي حوائط حملة.
وأضاف «أديب» خلال تقديم برنامج «الحكاية» والمذاع عبر فضائية «ام بي سي مصر»: «الكلام دا أغلبه حوائط حملة، ما انضربش فيه سيخ حديد، ومعجزات كانت بتبني المبادئ الموجودة دلوقتي دي».
واستكمل الإعلامي عمرو أديب: «اللي بقوله أي علشان العرب يبقى واضح، أنا مش متحمس لحد، ولا لدولة ولا أي حاجة، أنا متحمس للي يجبلي الأحسن، جات شركة مصرية أهلا وسهلا، أنت تقعد كدولة، أنت تصرف دا كله وانت مالك، الدولة عندها حاجات تانية تصرفها».
الاقتراحات والرسومات
وأردف: «اقعد حط رجل على رجل، أنا عاوز أؤتوني بالاقتراحات والرسومات، أنا اتيحت ليا الفرصة أشوف شوية اقتراحات للتطوير، يا خرابي، يا خرابي، وهتشوفوا المنظر والمشهد في الآخر».
ولفت الإعلامي عمرو أديب: «متيجي نشوف ندخل كل الشركات اللي جاية مع بعض ننظم بينهم وندخل، وبلاش حتة أنت واخد الـ3 عمارات دول، يا جماعة رئيس الوزراء مهندس، وأعظم مهندسين في الدنيا موجودين في مصر».
شركات المقاولات المصرية
وطلب «أديب» من الحكومة بعدم التدخل في عمليات تطوير منطقة وسط البلد بأي مقابل مادي، قائلا: «أرجوكم وأتوسل إليكم، لا تدخلوا في هذا الأمر بقرش، البلد محتاجة كل قرش، عاوز تدخل عندك شركات المقاولات المصرية هتسترزق وتشتغل، دا مشروع ياخد 10 أو 15 سنة».
وتساءل الإعلامي عمرو أديب: «هل فيه مكان في العالم من 100 سنة أحلى من دلوقتي؟، ينهار أبيض، هل فيه مدينة ملامحها انطمست؟ لازم تكون انضربت بالصواريخ وإحنا الحمد لله حما الله مصر بإن عمر عاصمتها ما انضربت».
وقال «أديب»: «الأمر محتاج شىء مختلف ومحترف ودي من الجواهر، أنت راضي عن المباني القريبة من الأهرامات؟، دي لو في أي بلد من العالم كان يبقى مبني أي هناك؟، انتوا ليه مش بتفكروا في الاستثمار؟ هات فلوس من برا يجي يستثمر ويبني».
