تبرع لطفل مريض.. صفية العمري تكشف تفاصيل النصب عليها باسم الشيخ الشعراوي

تحدثت الفنانه صفية العمري،  عن تفاصيل واقعة نصب تعرضت لها عن طريق أحد الاشخاص حيث أوهمني بأنه من طرف فضيلة الشيخ الشعراوي رحمة الله علية.  

واوضحت الفنانه صفية العمري، تفاصيل النصب عليها باسم الشيخ الشعراوي، حيث قامت بدفع مبلغ مالي لشخص ما أوهامها أن الشيخ الشعراوي أرسله لها للتبرع لطفل صغير.

وأشارت "العمري" خلال لقائها في برنامج "كلام الناس" المذاع عبر شاشة "mbc مصر": "حصل نصباية عليا باسم الشيخ الشعراوي، حد جه قال إنه من طرفه وجايب لي جواب المفروض أنه من الشيخ الشعراوي، مكتوب فيه ادفعي للشخص ده مبلغ لزرع نخاع طفل يتيم، أنا قلبي وجعني، الكلام ده كان يوم وقفة العيد الكبير وكان والدتي لسه متوفية وكنت متضايقة وتعبانة نفسيا جدا، أديت له كل الفلوس اللي في البيت".

وتابعت قائله : "وهو موجود قلت له أطلب لي الشيخ اطمن عليه قال لي هو مريض وأنا هخليه يكلمك بليل الساعة 10، استنى الساعة 10 مفيش، وريت الجواب لأخويا لما جه قال لي ده مش خط الشيخ، قلت له ليه قال مفيش أزهري بيكتب بالخط ده، ومش موجود امضى موجود ختم"

وسردت التفاصيل قائلة: "كلمني وكان بيقلد صوت الشيخ وفيه زمامير عربيات، قولت ده بيتكلم من الشارع، وهيجيلك أختين فضليات يبقى قابليهم، كلمت ياسمين الخيام وكلمت الشيخ قالها هاتيها وتعالي بكرة الصبح، رحنا له وكان معايا الجواب، قابلته وكان ودود جدا، قال يا بنتي ده مش خطي جاب مصحف وكتب عليه اهداء قالي اللي دفعتيه في ميزان حسناتك".