ميدو يهاجم القيعي: عيب على سنك ..عمري ما عرضت نفسي على الأهلي

فتح أحمد حسام ميدو، عضو لجنة التخطيط بنادي الزمالك النار على عدلي القيعي رئيس شركة الكرة السابق بالأهلي.

ميدو .. أنا زملكاوي و عمري ما عرضت نفسي على الأهلي

قال ميدو خلال بودكاست مع الإعلامي كريم خطاب: "عمري في حياتي ما فكرت اروح الأهلي ولا كنت قريب منهم حتى وطول عمري عارف إني مش هروح الأهلي كما ذكر الأستاذ علي القيعي".

ميدو .. أحترم عدلي القيعي .. ولكن كلامه غير صحيح

أضاف: "بكن كل إحترام وتقدير للمهندس عدلي القيعي ولكن الكلام اللي بيقوله ده مش حقيقة وهو عارف إنه مش حقيقي، وبزعل اوي لما اشوف ناس كبار في السن بتكدب،  بزعل منهم"

وأكمل: "علشان كده بقول في ناس معينه لما بتخش مرحلة عمرية معينه لازم أولادهم يحموهم بأنهم ميطلعوش في التليفزيون كتير".

ميدو .. أنصح عدلي القيعي يريح في بيته و كفاية عليه كدة

وتابع: "في نجوم كتيرة على فكره لخبطوا في كلام كتير في أخر مراحلهم العمرية وكان لازم أولادهم يحموهوم، لأن في ناس لو قولت اللي اعرفه عنهم هتبقى صعبه اوي بالنسبه لاحفادهم وهتبقى بالوقائع ولكن هتبقى عيب لأنهم كبار في السن وعيب تبقى كبير في السن وتكدب ، وبقوله عيب أنت اخترعت الكلام ده منين 

وأوضح: "كابتن شوبير موجود ويشهد أن الخطيب وياسين منصور كلموني علشان أروح الأهلي وانا قولتلهم أنا آسف أنا زملكاوي مش هقدر".

وأردف: "وانا صغير كابتن علاء عبد الصادق قعد معايا وعملوا ليا عرض علشان ياخدوني.. كان وقتها الأهلي عايز يضرب الزمالك بعد ما حسام حسن وإبراهيم راحوا الزمالك فكلموني أنا وجمال حمزة علشان يضربوهم في 2 صغيرين وقولت لجمال حمزة أنا مستحيل العب في الأهلي ازاي الكلام ده ".

وأكمل: "اسف لو قولت كلام في قسوة بس الواحد حزين أن في ناس ممكن تكدب بالشكل ده، أنا لا عمري عرضت نفسي على الأهلي ولا الكلام ده ".

ميدو .. احترامي لعدلي القيعي قل كتيرعن السابق

وأضاف: "الكلمتين اللي قالهم عدلي القيعي دول أنا كان عندي ليه احترام كبير لكن قل شويه حقيقي .. الكذب عيب عيب ولما تعدي مرحلة عمريه معينه فكر في ربنا عيب اللي انت بتقوله ده".

وأختتم تصريحاته: "وعيب على عدلي القيعي يبقى اداه يطلعوك تبقى مصدات.. أنت كبرت سيب الكلام ده لناس صغيره ومتمناش لما اكبر اوصل للمرحلة دي"