ياسمين عز توجه رسالة للسيدات: «مفيش أجمل من زوج في الحياة»

وجّهت الإعلامية ياسمين عز، رسالة جديدة للزوجات حول التعامل مع الأزواج، مؤكدة ضرورة الامتنان وعدم المبالغة في الأسئلة اليومية، التي قد تشكّل ضغطًا نفسيًا على الرجل.

وقالت عز، خلال حلقة اليوم من برنامجها "كلام الناس"، المذاع عبر فضائية "MBC مصر":"بتقولي له: جبلنا حاجة حلوة وانت جاي هو مش هو الحاجة الحلوة؟ في أية أجمل من جوزك في الحياة".

وتابعت: "وعايزاه يرد عليكي في كل مرة احمدي ربنا إنه معملكيش بلوك.. وبلاش سوال (إنت فين؟)، ده السؤال المرعب للرجل".

وأوضحت: "الراجل كيان وهيبة، بيترعب من السؤال ده.. اعتبريه جوزك يعني كائن بسيط هيكون فين؟ على القهوة أو في الشغل.. متخافيش مش هيتجوز غيرك، عمره ما هيكرر الغلطة دي، فبلاش نسأل أسئلة من النوع ده".

أثارت الإعلامية ياسمين عز جدلًا واسعًا بتعليق ساخر خلال حلقة اليوم من برنامجها "كلام الناس" المذاع عبر فضائية "MBC مصر"، حيث وجهت نصائح للنساء بطريقة ساخرة بالتزامن مع الهزة الأرضية التي شعر بها المواطنون فجر الأربعاء.

وقالت عز: "بتدعي وقت الزلزال إنه يتجوزني قبل ما يحصل زلزال؟ ده ممكن يحصل أي شيء قبل ما تتجوزي.. هتعترضي كمان على الضمير البيئي؟".

وأضافت بسخرية: "مافيش حاجة اسمها الحقني يا أحمد في زلزال.. ولا أحمد حس إنه في زلزال، هو أصلا مش حاسس بيكي فوقي، إنتي طرف تالت في العلاقة، وبيحب واحدة غيرك".

وتابعت: "هو هيعملك إيه؟ ده لو صحوه وقالوله في زلزال هيكمّل نوم، عديم الإحساس.. ولو مش عاجبك سبيه".

وفي وقت سابق، وجهت الإعلامية ياسمين عز نصيحة إلى السيدات في درجات الحرارة المرتفعة التي تشهدها البلاد خلال تلك الفترة؛ قائلة: «درجة الحرارة صعبة جدا النهارده، فجأة طلعت وارتفعت بقت 40، درجة الحرارة بقت 40، الصيف واضح إنه داخل بتقله».

أضافت الإعلامية ياسمين عز خلال تقديم برشنامج «كلام الناس»والمذاع عبر قناة «ام بي سي مصر»: «من السنة اللي فاتت من على الكرسي دا وانا بقولك أبوس راسك، الله يرضى عليكي، خدي بعضك وانزلي هاتي لجوزك الغلبان بطيخايه شليها على قلبك واطلعي الدور الرابع، هتمواي؟! مش هتموتي، فيكي صحة وعافية تعمل مني 10 مرات».

واستكملت: «انزلي هاتي بطيخاية حطيها في التلاجة صقعيها، وقطعي للراجل طرنشات في شوية تلج وشيلي البذر يا مدام علشان ما يكلش البذراية ترشق تموته».

وفي وقت سابق؛ أعلنت الإعلامية ياسمين عز، خلال حلقة اليوم من برنامجها "كلام الناس" على شاشة MBC مصر، اعتذارها عن المشاركة في الدورة الـ58 من مهرجان كان السينمائي، رغم ترشيحها من قبل المؤسسة الإعلامية التي تنتمي إليها.

الحياة الخاصة تأتي في المقام الأول

وقالت ياسمين عز إنها فخورة بهذا الترشيح، لكنها قررت البقاء احترامًا لارتباط شخصي وعائلي، مؤكدة أن الحياة الخاصة تأتي في المقام الأول، وأن "لا دعوة براقة تعلو على قيمة العائلة".

وفي رسالة وجهتها لشخصية خيالية ابتكرتها باسم "شيماء"، قالت: "شيماء.. هل أذهب إلى المهرجان؟ لأ، لن أذهب؛ لأن عندي ارتباط عائلي أهم بكتير، افتكري دايمًا إن العيلة أهم من مهرجان كان، وأهم من الأوسكار كمان، ولما يكون في التزام عائلي نلتزم بيه مهما كانت المغريات".