"معملناش زي الأهلي ودي أخرتها".. تعليق ناري من أحمد سليمان على قرار التظلمات
علق أحمد سليمان عضو مجلس إدارة نادي الزمالك بقوة على قرار لجنة التظلمات، بتأييد قرار رابطة الأندية، وعدم خصم نقاط من النادي الأهلي وعتباره خاسرا فقط في مباراة القمة.
قال أحمد سليمان في تصريحات تلفزيونية عبر قناة "إم بي سي مصر 1": "الزمالك الموسم اللي فات كان عنده طلبات على فكره ورغم عدم تنفيذها احترم كل المسؤولين ومنظر مصر والرياضة و قال من بدري مش رايح المباراة".
أضاف: "الزمالك الموسم اللي فات معملشي اللي حصل ده أتوبيس يطلع ويخش نادي مدينه نصر وجماهير قاعده في الملعب مستنيه أو زي مرات سابقه اتوبيس يروح ويعطل ويقولك شكلنا والرياضه".
أكمل: "في الاخر أنت طبقت على الزمالك خصم النقاط اللي احترمك وهنا مطبقتش النقاط، ومحدش يقولي اللائحة محصنه".
وأوضح: "حضرتك القرار طلع من الأول بخصم واللجنه الأولمبية ايدت قرار الخصم.. وبعدين لما هي محصنه حصل تراجع بعد كده ازاي عن القرارات دي".
واختتم تصريحاته: "لجنة التظلمات تقعد كل ده وفي الآخر تقول غير مختصه.. انتوا ساهمتوا في ضغط الأندية وهي بتلعب مش عارفها مصيرها".
