دينا: «هربت من البيت أول ما أشتغلت رقاصة.. وبابا خاصمني سنتين» (فيديو)

قالت الراقصة الاستعراضية دينا، إنها فكرت كثيرًا في الهروب من المنزل، مؤكدة: "هربت من البيت أول ما قررت أشتغل رقاصة".

وقالت في لقائها في برنامج "سمر والرجال ولكن" المذاع على قناة "القاهرة والناس": "حطيت أهلى قدام الأمر الواقع.. وبابا خاصمني سنتين".

وأضافت: "كنت بكلمهم طوال الفترة دي بس ما حدش كان بيرد عليا بالرغم من إني البنت المفضلة عند أبويا".

وأشارت إلى أنه كان لديها 17 عامًا عندما امتهنت الرقص واستأجرت شقة للعيش فيها، مضيفة: "الحمد لله أبويا كان حاطط لي فلوس في البنك وأنا طفلة صغيرة وما كنتش محتاجة الرقص علشان الفلوس".

وفي وقت سابق تحدثت شقيقة دينا، المنتقبة عن علاقتها بشقيقتها خاصة لاختلاف طبيعة كل منهما فالأولى منتقبة والثانية راقصة، وذلك في أول حديث وأول مواجهة بينهما في لقاء مصور.

العلاقة بينا قوية جدًا
 

وقالت شقيقة دينا في مداخلة هاتفية خلال لقاء لـ دينا:"عمرنا ما افترقنا ودايمًا مع بعض، هي شقيقتي الوحيدة والعلاقة بينا قوية جدًا.. إحنا أخوات مرينا بنفس الحياة والظروف ومشاكل الحياة لحد ما افترقنا في طريقة الحياة فقط.. هي ليها فكرها وأنا ليا فكري وهي من الناس اللي الحمد لله اللي قلبها نضيف وجميل وطيبة فوق ما تتخيل".

دينا حنينة وبارة بأهلها
 

وأضافت شقيقة دينا الراقصة: “اللي بيبان للناس غير الحقيقة، دينا حنينة وبارة بأهلها ولو أنا جرالي أي حاجة بلاقيها أول واحدة فوق راسي، لا سيباني ولا سايبة أولادي، ولا كانت سايبة بابا الله يرحمه والبر عند الله، ربنا بيجازي عليه جزاء واسع جدًا، هيكون علاقتي بيها إيه، وبعدين من منطلق أنا ربنا أكرمني ودرست دينا ادع إلى سبيل ربك بالحكمة والموعظة وجادلهم بالتي هي أحسن، فلازم يكون كلامي معاها ومع غيرها براحة”.

جواها كويس وجميل ومسيرها هتيجي
 

وتابعت: “دينا جواها كويس وجميل ومسيرها هتيجي، هي جواها مع ربنا وفعلها لسه شوية، وميجراش حاجة من فينا من غير خطيئة وغلط، ولما بنتكلم أنا وهي بقول رأي بصراحة وهي مبتزعلش، مش بضايق من آرائها لما بتكلمني وفي الآخر ربنا اللي بيحاسب”.

شقيقة دينا المنتقبة تحرجها
 

وبسؤالها ما إذا كانت شاهدت مسلسل إش إش الذي شاركت فيه شقيقتها دينا، قالت: “لأ والله ده شهر رمضان.. عاوزوني أسيب صلاتي وقرآني واتفرج على التلفزيون مش معقول”.

وأشارت شقيقة دينا إلى أنهما أحيانًا تتحدثان سويًا، وتحكي دينا عن أعمالها، وبسؤالها عن رأيها في الفن وحرمانيته قالت: “القاعدة بتقول كل حاجة حلالها حلال وحرامها حرام”.

من ناحيتها، قالت دينا إن شقيقتها كانت تغني في المعهد العالي للموسيقى العربية، وبعد موقف صادم في حياتها ودخولها المقبرة أثناء دفن أحد المقربين قررت أن ترتدي الحجاب ومن ثم انتقبت.