توابع الزلزال .. محمد رمضان يطرح أغنيته الجديدة «البابا راجع»
طرح الفنان محمد رمضان، منذ قليل، أحدث أغانيه التي حملت عنوان "البابا راجع"، وذلك عبر قناته الرسمية على موقع "يوتيوب". الأغنية الجديدة تأتي ضمن سلسلة أعماله الفنية المميزة التي تحقق دائمًا نجاحًا كبيرًا بين جمهوره.
وروج رمضان للأغنية من خلال منشور على صفحته الرسمية بموقع التواصل الاجتماعي "فيس بوك"، حيث كتب: "دلوقتي أغنية البابا راجع .. توابع الزلزال"، مما أثار حماس متابعيه الذين تفاعلوا بشكل واسع مع الإعلان عن الأغنية الجديدة.
وجاءت كلمات الأغنية كالتالي :.
ياخدوا اللي عايزينه ولما تعوز بابهم قافلينه
هي ايه الحكاية ايه اللي بيحصل مش فاهمينه
حبه بيبقوا صحابك حبه يخيبوا فيك ويعيبوا
غل وغيره وغدر ومبيطمرش ولا يوم فيهم
البابا راجع هيقلب مواجع
كل الجاي سخن عزيزي المتابع
صندوق الشكاوي لو حابب تمانع
رجعة فيها قمة عودة نجم لامع
كنتوا جوا في قلبي قاعدين
روحتوا فين دلوقتي ضايعين
بيعت لأجل ان انتوا طماعين
انتوا كده كده بياعين
انتوا كده كده طماعين
انتوا كده كده معروفين
انتوا كده كده انتوا مين
انتوا كده كده مش باينين
كنت اجدع واحد عمري ماكنت جاحد
لو طلبوا عيني هديهم واسامح
هشتري الخواطر واجبر مهما ضاقت
قيدت صوابعي شمع .. بس شموعي ساحت
عيش وملح أتبخر … قدم كلام متأخر
بعدي مين بيفخفخ قولي مين بيقدر
كلها بتتحط والعجوز بيشطب
دايرة حكي ولت والكلام متبعتر
البابا راجع هيقلب مواجع
أغنية "رمادونا"
وكان محمد رمضان قد طرح مؤخرًا أحدث أغنياته بعنوان رمادونا عبر يوتيوب وجميع المنصات الموسيقية، وظهر خلالها داخل ملعب كرة قدم مرتديًا قميصًا يشبه قميص منتخب الأرجنتين، مكتوب عليه رقم 1، وحققت الأغنية على يوتيوب 129 ألف مشاهدة خلال يوم من طرحها.
مهرجان كوتشيلا
وأثار محمد رمضان موجة جدل مؤخرًا، بعد إحيائه أول حفل له بمهرجان "كوتشيلا"؛ حيث ارتدى ملابس وصفت بأنها غير لائقة وتشبه "بدل الرقص"، الأمر الذي عرضه لهجوم شديد من قبل الجمهور وبعض الفنانين، كما قدم العديد من المحامين بلاغات ضده، كما انتقدته الإذاعة الإسرائيلية.
وبعد أيام من أزمته، نشر رمضان مقطع فيديو، يرد خلاله على منتقديه، إذ قال: "أجلت الرد لأني كنت مركز في الحفلة التانية في "كوتشيلا".. الحفلة اللي شايل فيها اسمي واسم بلدي.. وجمهوري اللي واقف في ضهري من أول يوم.. جمهوري اللي حافظني وكبرت قدام عينه.. وعارف إن محمد رمضان عمره ما يلبس ملابس حريمي لا في فيلم ولا في مسلسل.. مع كامل احترامي للفنانين اللي عملوها.. جمهوري اللي حافظني عارف إن محمد رمضان لبس حلق في فيلم وكليب.. لكن في الحقيقة عمره ما لبس حلق ولا عمره هيلبس حلق.. مصممة الأزياء المصرية فريدة تمراز كانت عامله التصميم بغرض إنه يكون حاجة فرعونية.. ولكن طلع بالشكل ده. يمكن ماكنش معاها جنيهات كفاية فطلع قصير شوية".
