عصام صاصا يفتح النار على مسلم والعسيلي في "روقان"
في حلقة نارية من "بودكاست روقان" مع الإعلامي فتحي مصطفى كامل، خرج مطرب المهرجانات عصام صاصا عن صمته، ليرد على عدد من التصريحات والانتقادات التي طالته مؤخرًا، خاصة من الفنان مسلم، والمطرب محمود العسيلي، في حوار كشف فيه عن مواقفه الفنية والشخصية بكل صراحة.
الرقص في الحفلات
في البداية، أوضح "صاصا" موقفه من الرقص في الحفلات قائلاً: "أنا مش بحب أطلع جمب رقاصة، وده ملوش علاقة بالحرام أو الحلال، بس ده مبدأ عندي، بحب أكون على طبيعتي وبحترم جمهوري اللي بيحبني علشان صوتي مش عشان الرقاصة".
تصريحات مسلم
وعند سؤاله عن تصريح الفنان مسلم الذي قال فيه إنه يستطيع "تطوير صوت صاصا"، رد بعنف قائلاً: "لو هو عايز ياخد صوتي يطوره.. فأنا عايز أخده هو كله على بعضه أطوره وأعمله سمكرة، عايز تاخد اللقطة؟.. مبروك خدت اللقطة"، في إشارة إلى أن ما قاله مسلم كان لمجرد إثارة الجدل وتحقيق انتشار على حسابه.
موقف العسيلي
أما عن موقفه من الفنان محمود العسيلي، فكشف "صاصا"، أن الأخير كان قد تهكم عليه في وقت سابق، ثم خرج وقدم اعتذارًا، لكنه يرى أن الاعتذار لم يكن صادقًا. وقال: "العسيلي طلع واعتذر عن استهزاءه بيا، وقال إنها مش مقصودة، بس كانت مقصودة. وأنا بقول لكل حد بيحاول يقلل مننا: "سيب الناس تاكل عيش".
آخر أعمال صاصا
من جانب آخر، كانت آخر عصام صاصا أغنية "الأخصام ضموا لبعضيهم"، الذي طرحها منذ ٤ أيام، وحققت ٨٣٥ ألف مشاهدة عبر موقع الفيديوهات "يوتيوب".
وتأتي كلمات الأغنية كالآتي:
"أنا مبخافش وأخاف من إيه.. وأنا لو خونت هخونهم ليه.. واللي تمامه يا صاحبي جنيه.. سهل وعادي مقدور عليه.. بس اللي هيجي في سكتي.. هيبقى جه لموته برجليه.. واللي هيجي عشان ينصحني.. ياريت نصيحته يخليها له.. طلقة بطلقة وحرب بحرب.. وبقول يا رب استرها معايا.. سايب الناس بتول بهواها.. وبعمل بس اللي على هوايا.. أنا مش بشكل لحد همومي.. وبداري وبكت يا با جوايا.. أي بداية وليها نهاية.. وأي نهاية وليها بداية.. ناس بتحور ناس بتنافق.. ناس علشان ناس تخسر ناس.. ناس من أجل السيط بتوافق.. دي تقل قيمتها وتداس"
