معاكي لآخر نفس.. دعم وحب متبادل بين مي فاروق والعمروسي بعد رفض دعوى طليقها

دعم وحب متبادل يظهر بين المطربة مي فاروق وزجها الفنان محمد العمروسي، وذلك بعد الحكم برفض دعوى طليقها بضم حضانة أبنائها، وذلك بعد زواجها من العمروسي.

فقد وجه العمروسي رسالة دعم إلى زوجته مي فاروق بعدما عبرت عن سعادتها برفض دعوى طليقها بضم حضانة أبنائها.

في ضهرك لآخر نفس في عمري 

وكتب العمروسي لزوجته مي فاروق: “ربنا ينصرنا دائمًا يا حبيبتي على كل حاقد ربنا كبير هو فوق وأنا جمبك تحت على الأرض أنا وكل شخص محترم ونضيف يحترم الخير للبشر.. في ضهرك لآخر نفس في عمري الحمدلله وشكرًا لقضاء مصر النزيه ولأخويا الكبير المستشار القانوني ياسر قنطوش”.

من ناحيتها، وجهت مي فاروق رسالة إلى زوجها محمد العمروسي قائلة: “ربنا يكرمك وينصرك ويعليك كمان وكمان.. ويخليك ليا يا رب.. أنا في ظهري رجل محترم وأمين ثقتي فيه عمرها ما خيبت ربنا يخليك ليا ولاولادنا”.

دايما ظني فيه أنه كريم وجميل وساندني

وكانت مي فاورق عبرت عن سعادتها البالغة بعد الحكم في قضيتها مع طليقها بشأن حضانة أطفالها، وكتبت عبر حسابها بموقع فيسبوك:"كنت واثقة في ربنا، ودايما ظني فيه أنه كريم وجميل وساندني.. وعارف مين المؤذي ومين الصادق اللي اتظلم.. والحمد لله رضا أمي وأبويا عليا ودعواتهم ليا اللي دايما محاوطاني..  أنا ما بظلمش حد أنا اللي بتظلم وبوكل أمري لله  وده قمة القوه اللي كتير قوي بيفتكروه ضعف بس عشان هم عندهم مشاكل".

وأضافت مي فاروق: “أنا مسنودة سندة ما يهزهاش بشر أبدًا.. ربنا معايا طول الوقت، ودعوات أمي وأبويا ورضاهم عليا مرافقني العمر كله.. وقانون بلدي وعدالة بلدي النزيه وراجل محترم وقف معايا من أول الحكاية وثقتي فيه كانت كبيرة جدًا، المستشار القانوني  ياسر قنطوش”.

الظلم وحش ونصرة ربنا جميلة قوي

واختتمت مي فاروق منشورها كاتبة: “اللهم لك الحمد علي كل نعمك وكرمك وفضلك وسندتك ديمها عليا نعمه يارب ورد كيد  الكائدين وحقد وغل كل واحد له اللهم آمين.. وانصرني دايما كده وزيدهم  كمان وكمان من اللي في قلوبهم وأبعدهم عنا اللهم آمين.. الظلم وحش ونصرة ربنا جميلة قوي”.