صوتها جميل للغاية .. يحيى الموجي: فخور باكتشافي للفنانة الراحلة ذكرى|فيديو
تحدث الموسيقار يحيى الموجي، عن تفاصيل جديدة بشأن المطربة الراحلة ذكرى وسبب مقتلها، كما تطرق إلى الحديث عن اكتشافه للمطربة الراحلة في بداية حياتها الفنية.
وقال “ يحيي الموجي ”، خلال لقاء ببرنامج كلام الناس، المذاع عبر قناة ام بي سي مصر، مساء اليوم الأحد، الذي تقدمة الإعلامية ياسمين عز، كنت بسجل في ليبيا وهي كمان كانت بتسجل هناك، ولما سمعتها قلت إيه الصوت اللي بيغني ده؟، ده خطير وعرفوني على ذكرى وقولتلها تعالي مصر علشان الانطلاقة من مصر، وبقيت كل شوية أكلمها علشان تيجي لغاية ما جت مصر وخدتها من إيديها وكلمت صلاح الشرنوبي وعملنا ليها أغنية وحياتي عندك، وقولتلها أنا عارف أنك هتنجحي وهتبقى نمرة واحد.
وعن سبب قتلها على يد زوجها، فعلق محمد الموجي :"مش عارفين إيه سبب اغتيالها، هل كان غيور زيادة عن اللزوم.. في حاجة مش مفهومة، كانت بتقول أنه عصبي بشكل مش طبيعي ومكنتش بتكلمني قدامه، هو كان مجنون بيها".
وتحدث الموجي عن نجاح ذكرى في مصر، قال يحيى الموجي، أنها كانت في منتهى السعادة اللي في الدنيا وأنا فخور أني مكتشف الصوت ده، ويوم الاغتيال قالتلي عدي عليا وكنت هروح ليها ولكني انشغلت ومرحتش.
