تصريحات نارية لمصطفى كامل .. واللي مش قادر يدير يمشي (خاص)

أطلق الفنان مصطفى كامل، نقيب المهن الموسيقية، هجومًا حادًا على من وصفهم بعديمي الكفاءة في إدارة المؤسسات، مطالبًا برحيل كل من يعجز عن تحقيق تطلعات العاملين أو تحسين أوضاعهم.

وقال مصطفى كامل في تصريحات نارية خلال لقائه بموقع «نيوز رووم» : "عندي حلم لحد ما أموت، وهفضل وراه، واللي يكرهني يكرهني، واللي عايز يقتلني يقتلني، واللي عايز يحاربني يحاربني.. هفضل أحارب لحد ما أجيب حقوق الناس وحقّي".

وانتقد مصطفى كامل رؤساء وأعضاء مجالس المؤسسات الذين يطلقون وعودًا دون تنفيذها، متسائلًا: "ليه أشوف حد في الشارع مكسر الدنيا ومش لاقي ياكل بسبب إن اللي بيديره مش منضبط؟"، مؤكدًا أن إدارة أجور الناس ليست لعبة.

وتابع قائلاً: "إحنا اتخصملنا 25% وبعدين 5%، والنهاردة بيتقال لسه بنحاول نحل مع الخارج ونحل أزمة الضرائب.. طب فين كنتوا؟"

لو مش قادر تواكب التحديث إمشي

وأكمل: "من 20 سنة كنا بندير بورق، دلوقتي كل حاجة إلكتروني، لو مش قادر تواكب التحديث إمشي وهات حد يعرف يدير ويتكلم لغات، الزمن مش زمنك".

ووجه رسالة حاسمة: "زي ما أنا قلت إني مش بتاع كمبيوتر فبسأل.. لو أنت مش عارف تدير وعندك قصور في الإدارة سيبها للي يقدر".

تأتي تصريحات مصطفى كامل في إطار دفاعه المستمر عن حقوق الموسيقيين، وتجديده لمطالب الإصلاح الإداري داخل المؤسسات الثقافية والفنية.

أزمة المؤلفين والملحنين 

وجاء هذا اللقاء عقب اجتماع حل أزمة جمعية المؤلفين والملحنين والناشرين برئاسة نقيب المهن الموسيقية مصطفى كامل، والذي أقيم فى مقر نقابة المهن الموسيقية بوسط البلد بحضور عدد من الشعراء والملحنين، أبرزهم الشاعر تامر حسين والشاعر شريف تاج الدين والشاعر محمود عليم وغيرهم .