غادة إبراهيم: بوسي شلبي سألتني على حد يعملها سحر علشان ترجع لمحمود عبد العزيز
كشفت الفنانة غادة إبراهيم مفاجأة في قضية زواج بوسي شلبي من الفنان الراحل محمود عبد العزيز، مشيرة إلى أنها بعد طلاقها منه عام 1998، كانت تبحث عن طريقة لعمل سحر للراحل حتى تعود له.
سألتني على حد يعملها سحر
وكتبت غادة إبراهيم عبر حسابها بموقع فيسبوك: “شهادة أحاسب عليها.. في سنة 1998 كنا في منزل الشيخة (ف) سعودية من أصول مغربية كنا مدعوين على الغداء في بيتها..وكان موجود بيننا الأخت المطلقة أيامها من النجم محمود عبد العزيز وكانت علاقتي بيها أكتر من رائعة وفجأة قعدت تبكي بحرقة وفتحت موضوع الطلاق وأنها بتدور على حد يعمل لها عمل أو سحر ويرجعها تاني لزوجها، سألتني قولت لها معنديش حد”.
وأضافت: “بعدين سألت الشيخة زعلت جدا منها واحتدت عليها وقالت لها عيب تقولي كلام زي ده إحنا مش بتوع أسحار وأعمال وخلص اليوم، وعرفت بعدها أنها رجعت لزوجها بعد توسط صديقتها الممثلة.. وفي الوقت ده كان اللي مكتوب في البطاقة وموجود على الكمبيوتر القديم كانت البطاقة بتتجدد عادى بنفس البيانات المدونة ما دام مفيش أي تحديث حصل على هذه البيانات وكذلك كان جواز السفر بيتعمل ويتجدد بنفس بيانات البطاقة".
وأكملت غادة إبراهيم: "بشهادة مساعد المأذون اللي قال أني ذهبت للمطلقة لأعطي لها قسيمة الطلاق سنة 1998 وهي رفضت استلامها إذن انتي عارفة ان الطلاق وقع رسميًا بقسيمة موقعة.. ليه لما رجعتى للزوج متعملش قسيمة زواج جديدة زى الشرع والدين والقانون ؟ ولا طلبتى والزوج رفض؟”.
وتابعت: “لما اتحدث كمبيوتر الأحوال المدنية في سنة 2022 راحت تجدد البطاقة ظهرت وثيقة الطلاق فقامت رافعة قضية سنة 2023 اثبات إرجاع لكن المحكمة والقانون ليهم الأوراق الرسمية اللي مش موجود فيها وثيقة زواج جديدة بعد تاريخ الطلاق، والراحل العظيم إحنا منعرفش إيه الحوار اللي دار بينه وبينها ورجعت على أي أساس وأنهي اتفاق ده يخصهم هما.. لكن النتيجة إن المحكمة والقانون يحتاج ورق رسمى موثق مش شهادة الشهود وكذلك الميراث”.
راح فين الحب العظيم؟
وأكملت: "هي من رفعت القضية ولجأت للمحاكم لغرض في نفس ابن يعقوب! وأبناء النجم لهم كل الاحترام والتقدير ردوا قانونًا ولم يبدأوا بأي مشاكل ولا إجراءات مسيئة مطلقًا.. راح فين الحب العظيم اللي ضحيتي هناكي فداه وهتعيشى على ذكراه !؟؟ ولا كله يهون قدام الميراث.. المحصلة في الآخر نحن نحترم القضاء والقانون والقضاء قال كلمته انك مطلقة مش أرملة، وأنا أحب أقوللك من موقعى هذا .. فيه ورق واثبات يبقي فيه جواز مفيش ورق ولا إثبات يبقي مفيش جواز
