فيفي عبد تكشف تفاصيل جديدة بشأن أزمة أبناء الفنان محمود عبد العزيز وبوسي شلبي

علّقت الفنانة فيفي عبده على الجدل المثار مؤخرًا حول علاقة الإعلامية بوسي شلبي بأبناء الفنان الراحل محمود عبد العزيز، مؤكدة دعمها الكامل لبوسي، ومشددة على أنها كانت زوجته "قدام الدنيا كلها".

وقالت فيفي، خلال حلقة اليوم من برنامج "كلام الناس" على شاشة "MBC مصر": "أنا كنت قريبة من محمود عبد العزيز وبوسي شلبي جدًا، وطلعنا عُمرة سوا، وكان لازم يكون فيه محرم، ومواقف كتيرة عدينا بيها، ومكناش بنسيب بعض.. وده اللي خلاني أتكلم".

وأضافت: "اتفاجئت امبارح بالحكاية دي، وفوجئت بكلام عن الطلاق، طب لو عندك مشكلة كنت قولت وقتها.. مش بعد 9 سنين! بوسي دايمًا كانت بتزور قبره وبتحطله ورد، فعيب بعد كل السنين دي والخدمة والعِشرة يكون ده المقابل".

وأكدت فيفي أن ما يحدث حاليًا سببه المال، قائلة: "الفلوس بتعمل مشاكل كتير، وبيقولوا إن الخلاف بسبب الورث، بس الحقيقة إن الست دي كانت مراته، وأدام الدنيا كلها".

 وفي وقت سابق دافعت الفنانة صابرين عن صديقتها الإعلامية بوسي شلبي، في ظل الأزمة التي تواجهها، والجدل المُثار حول زواجها من الراحل محمود عبد العزيز، حيث روت صابرين موقفين يؤكدان حب الراحل لزوجته بوسي واستمرار زواجهما حتى وفاته.

وكتبت صابرين عبر حسابها الشخصي بموقع فيسبوك: “شهادة أمام الله.. محمود عبد العزيز الفنان المحترم الكبير كلمني علشان زوجته بوسي شلبي صديقتي منذ الطفولة مرة يوم وفاة أختها الإعلامية الكبيرة بنت الأصول أحلام شلبي كلمني للوقوف بجانب زوجته بوسي شلبي، وتاني مرة يوم كانت بوسي رايحة تعمل إشاعة لأنهم كانوا فاكرين أن فيه أعوذ بالله مرض خطير لبوسي وكانت رايحة لوحدها من غير ما تقول لحد”.

حسيت ساعتها أن طفل بيبكي على أمه

وأضافت: “وقتها كلمني محمود وهو بيبكي، والله على ما أقول وأكتبه شهيد، طلب مني أجري على زوجته بوسي وأروح معاها علشان مش عاوزة حد يعرف، ومحمود كان عارف أن بوسي لازم صديقتها تكون معاها حسيت ساعتها أن طفل بيبكي على أمه ورفيقة عمره وقعدت أهديه وأقوله ماتقلقش يا محمود هروحلها وهتكون زي الفل، وفعلا عملت الإشاعة والحمد لله طلعت مفيش حاجة وأنها الحمد لله بخير وكنت معاها في المستشفي طول ما محمود كان تعبان”.

وتابعت صابرين: “طبعا قبل كل ده ذكريات كتيره بتجمعنا في فرش بيته أولا اللي في المهندسين وبعدين بيته اللي في زايد، كل ده ربنا شاهد عليه ومفيش نقاش تماما لتبرئة المحترمة اللي أشهد على حبها الوحيد وأن أول وآخر حب في حياتها كان لزوجها محمود عبد العزيز حتى يومنا هذا لا قبل ولا بعد”.

محمود عبد العزيز صعبان عليا

واختتمت صابرين: “بوسي قادرة على أخذ الحق ولكن اللي تعبني جدًا واللي صعبان عليه وحزينة من قلبي عليه هو المحترم والأستاذ الكبير محمود عبد العزيز اللي فارق حياتنا وهو عند الخالق وبعد 9 سنين من وفاته ليه يحصل فيه كده بجد حزينة ومذهولة ومخضوضة!”.