رنا سماحة تفضح طليقها سامر أبو طالب: ضرب ورقة عرفي مع مدمنة مخدرات

فتحت المطربة رنا سماحة النار على طليقها الملحن سامر أبو طالب، وكشفت عن علاقته بسيدة تزوجها عرفيًا بعد خلعها له، مشيرة إلى أن هذه السيدة مدمنة مخدرات ومعروفة بتعدد علاقتها غير الشرعية.

وكتبت رنا سماحة عبر حسابها بموقع فيسبوك: “تعالوا أحكي لكم حكاية.. مرة واحد مخلوع من مراته مشي في كل مكان عشان يداري على بلاويه يتكلم عن أم ابنه مع كل الناس بأسوأ الكلام وقال عليها ما في الخمر وزيادة.. الست وصلها كل كلمه بتتقال عليها .. سكتت وقالت عند ربنا طالما مش راجل وقادر يتكلم في وشها”.

وأضافت: “المهم المخلوع ده كان على علاقه من قبل ما يتخلع  بمدمنة مخدرات بتشم اللهم احفظنا  ومشهوره بتعدد العلاقات الغير شرعيه وهربانه من أهلها المهم بقى بعد ما اتخلع قال احلل اللي بعمله بقى راح ضارب ورقه عرفي بعد 3 شهور من خلعه برضو أم ابنه سكتت وقالت أنا مالي هو حر.. أهم حاجه ابني فحاولت الست تحافظ وتحمي ابنها الي أبوه بيشوفه طول الوقت”.

وتابعت رنا سماحة: "طلبت بس أنه ميحاولش يجمع ابنه بالست دي في أي مكان  حفاظًا عليه وعلى اللي ممكن يشوفه أو يسمعه أو يتعمل فيه لا قدر الله ماهو المدمن تصرفاته مش مضمونة.. المخلوع معجبوش الكلام وتجرأ عليها وغلط 
تفتكروا بقى الست دي مفروض تعمل إيه؟

كانت رنا سماحة كشفت تفاصيل طلاقها من الملحن سامر أبو طالب في شهر مارس الماضي، خلال لقاء تلفزيوني، مشيرة إلى أنه رفض أن يطلقها فقررت أن تخلعه وتنازلت عن جميع حقوقها.