إقامة قاعدة أمريكية.. مصطفى بكري: «لعبة تيران وصنافير بدأت بخبر كاذب»
تحدث الإعلامي مصطفى بكري، عن الأكاذيب التي ترددت بشأن بناء قاعدة عسكرية أمريكية في جزيرتي تيران وصنافير.
وقال بكري خلال برنامج «حقائق وأسرار» على قناة صدى البلد «لعبة تيران وصنافير بدأت بخبر كاذب بيقول إن السعودية قررت تقيم قاعدة أمريكية في الجزيرتين، الخبر الكاذب جملة وتفصيلًا، واللي نشره موقع معروف أهدافه ومن الذي يحميه من الخارج» ، معلقا «طيب حد نفى هذا الكلام لا، طلع الدكتور سمير فرج ونفى هذا الكلام، ولكن للأسف البعض راح يستغل الأمر واتهامات كاذبة بالجملة وكأن مصر تفرط في أمنها القومي رغم إن الحقيقة واضحة».
شائعات بيع قناة السويس
واستنكر بكري شائعات بيع قناة السويس قائلا: « قالوا الحقوا الحكومة باعت قناة السويس بوظت أمننا القومي، وقنوات الاخوان اشتغلت، طلع رئيس الحكومة الكتور مصطفى مدبولي ورد على الكلام ده، ووضح الحقيقة».
وأردف بكري: «رئيس الوزراء رد على الكذابين وقال لازم نفرق بين الهيئة العامة للمنطقة الاقتصادية لقناة السويس وبين هيئة قناة السويس، والاتفاق اللي تم توقيعه مع مجموعة موانئ أبو ظبي تم لإنشاء منطقة صناعية».
كما علق الإعلامي مصطفى بكري على قضية الطفل ياسين، ومحاولة بعض المغرضين إثارة أزمة طائفية.
وأكد بكري خلال برنامج «حقائق وأسرار» على قناة صدى البلد «مين اللي بيصدروا لينا الأزمات من جوه، واللي بيكبوا جاز على النار المولعة، واللي بيقسموا الناس، ويحولوا المجتمع لخناقات وازمات وانقسامات».
واستكمل: «ياتري مين اللي ولع موضوع الطفل ياسين في البحيرة وحولها من قضية اعتداء وهتك عرض على طفل برئ إلى قضية طائفية، مين اللي حشد الناس، اللي حولت الموضوع بالطريقة دي، من اللي شكك اللي عمل ده انسان مغرض، عاوز يولعها، ولما تواصلت مع محامي الطفل الأسبوع الماضي وعملت له مداخلة الراجل نفى الكلام ده جملة وتفصيلا، وقال انه تابع القضية من أول يوم وهو المحامي الوحيد للطفل ياسين، مين اللي كان بيحاصر المحكمة وليه، ومين اللي كان بيحرض الناس، لولا تدخل العقلاء، عارفين ليه لأن هناك من وجدها فرصة لاثارة الفتنة وتحريض الناس ضد اشقائهم المسيحيين ثم بعد ذلك ضد النظام، دي حاجة».
