رانيا فريد شوقي تدافع عن بوسي شلبي: ست أصيلة عاشت في النور

دافعت الفنانة رانيا فريد شوقي عن الإعلامية بوسي شلبي، بعد بيان أسرة الفنان الراحل محمود عبد العزيز والذي اتهمت فيه الإعلامية بما وصفته ادعاءات كاذبة بشأن أنها كانت على ذمته قبل الوفاة وأن المأذون قد قام بتزوير إشهاد طلاقها.

ده مش بس ظلم، ده طمس للحق

وكتبت رانيا فريد شوقي عبر صفحتها الرسمية بموقع فيسبوك: “في حاجات صعب تتقال، بس الأصعب إننا نسكت عنها.. لما تكون ست محترمة، عاشرت راجل بكل اخلاص لأكتر من 20 سنة، في النور، والناس كلها كانت شاهدة، وفجأة يتقال إنها ما كانتش زوجته؟  ده مش بس ظلم، ده طمس للحق، وتجريح في سيدة كانت زوجة بكل معنى الكلمة، في العِشرة، في الستر، في الوفاء”.

إزاي ننسى وقفتها جنبه في أضعف لحظاته

وأضافت متسائلة: “إزاي ننسى وقفتها جنبه في أضعف لحظاته؟ في مرضه وكانت معاه في المستشفى، مقيمة وبترعاه بكل الحب والمودة والخوف عليه كانت السند، والونس، والحياة اللي عاشها باختياره، مش غصب عنه”.

 ليه عاش معاها قدام الكل؟

وتابعت رانيا فريد شوقي: "المؤلم أكتر إن اللي بيحصل دلوقتي ضد رغبته هو، الراجل اللي عاش معاها ومكانش يوم اعترض أو أنكرها. فلو كانت فعلاً مش زوجته، ليه عاش معاها قدام الكل؟ وليه سكتوا كل السنين دي؟ ليه الكلام بدأ بس بعد ما رحل؟ هل الإنصاف بيتأجل لحد ما صاحبه ما يقدرش يدافع عن نفسه؟
واللي مؤلم بجد، إن في الكلام ده إساءة لجميع الأطراف".

كل الدعم لصاحبتي الست الأصيلة اللي عاشت في النور

وأكمل: “اللي بيحصل مش مجرد خلاف، ده جرح في ضمير كل حد بيعرف الحقيقة، وبيداريها. كل الدعم لصاحبتي، الست الأصيلة اللي عاشت في النور، واتبنت حياة على الاحترام، واللي بتدفع النهاردة تمن وفائها”.

الحق عمره ما يضيع، حتى لو اتأخر

وأردف: "الحق عمره ما يضيع، حتى لو اتأخر، والناس اللي عندها ضمير هتعرف تميّز، ويا ريت اللجان الالكترونية تهدى شوية لأنها بقت مفقوسة وأتمنى النقاش يكون باحترام الطرفين والضمير بيقول أن أي حد يكتب حاجة يجنب مشاعره ويقول كلمة الحق وكما تدين تدان خليها قاعدة في حياتكم.. ربنا يظهر الحق، ويدّي لكل واحد على قد نيّته.. "وَلَا تَكْتُمُوا الشَّهَادَةَ ۚ وَمَن يَكْتُمْهَا فَإِنَّهُ آثِمٌ قَلْبُهُ" "بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ" صدق الله العظيم".

وكانت أسرة الراحل محمود عبد العزيز، كشفت في بيانها أن العلاقة التي جمعت بين والدهم الراحل وبوسي شلبي قبل وفاته كانت علاقة عمل بين نجم كبير حفر اسمه بعلامات مضيئة في مصر والوطن العربي وبين منسقة أعمال ومديرة إدارية لتنظيم الارتباطات والمهرجانات، أما العلاقة الزوجية فقد استمرت شهر ونصف فقط وتم الطلاق عام 1998.