غدًا.. حفل غنائي للمطربة رحمة محسن في ريجينسي تونس
روجت المطربة رحمة محسن عن حفلها الغنائي المقرر إقامته مساء غدًا في تونس، حيث نشرت رحمة محسن بوستر الحفل عبر حسابها الرسمي على موقع تبادل الصور والفيديوهات إنستجرام، وقالت: “حبايبي ف تونس .. هاشوفكم بكرة بإذن الله في ريچينسي تونس .. ومفاتيح قلبكم معايا”.
رحمة محسن وأحمد العوضي
وتصدرت النجمة رحمة محسن محركات البحث في الآونة الأخيرة، بعد ظهورها في رباعيات مسلسل "فهد البطل"، التي حقق ناجحًا كبيرًا أثناء عرضه خلال الماراثون الرمضاني لعام ٢٠٢٥، وبدأت الشائعات تطاردها، حيث اعتقد البعض أنها صاحبة لقب "عروس أحمد العوضي المستقبلية"، بعد ظهورها مع أحمد العوضي في أكثر من مكان، وتعليقه الإيجابي الدائم لها على أي خطوة تخطوها.
بينما لم يؤكد أو ينفي أحمد العوضي ما يُقال، حيث ظهر في إحدى اللقاءات التليفزيونية وعلق على تلك الشائعات، بدون أن يوجه اسم معين، قائلًا: "أنا قولت أني هتجوز.. الجمهور بقى بلور اللي أنا قولته.. وبدأ يقول ده هيتجوز فلانة.. أنا مقولتش هي مين.. الشائعات دي بقى مش بتضايقني.. أنا ببقى زيي زي الناس.. بقعد اتفرج عليها.. بقعد اسمع اللي بيتقال.. هما بيصيغوها بطريقة مقنعة.. وهو عادي أن أي واحدة أنا بسلم عليها أبقى هتجوزها؟".
آخر أعمال رحمة محسن
ومن أكثر الأغاني التي لاقت رواجًا لدى المستمعين، كانت أغنية حفلة تنكرية التي تم طرحها في مسلسل فهد البطل، والأغنية من كلمات ملاك عادل، وألحان مصطفى العسال، وتوزيع إسلام ساسو.
أما عن كلمات الأغنية، فهي: "يا عين يا ليل يا .. ليل يا ليل يا عين ياليل ناس مش أحلى حاجة .. والحال مش مية مية .. الدنيا بقت عباره عن حفلة تنكرية .. وحفيت على حد سالك .. ومالقيتش يا دنيا حد .. والنفسيات تخوف .. واللي جوه الناس يخض .. وحفيت على حد سالك ومالقيتش يا دنيا حد .. دي النفسيات تخوف .. واللي جوه الناس يخض .. ده أنا الزمان ياما دغدغني .. ده مضحي بيا ومستغني .. لما ضحكت لي الأيام .. سهتني علشان تلدغني .. قولوا لي راحة البال فينها .. الدنيا كترت أسافينها .. والحزن عامل فيها شقيق.. والفرح عامل من بنها .. الدنيا عاملة .. عامله معايا الغلط .. عملت إيه في حياتي غلط؟ .. الدنيا عاملة معايا الغلط .. عملت إيه؟ ده أنا الزمان ياما دغدغني .. ده مضحي بيا ومستغني .. ولما ضحكت لي الأيام .. سهتني علشان تلدغني .. قولوا لي راحة البال فينها .. الدنيا كترت أسافينها .. وهتيجي فرحة قلبي منين .. والدنيا والناس دايسينها".
