أسرة نعيم عيسى: محدش سأل عليه في مرضه ولا عزانا بعد وفاته باستثناء أشرف زكي

اجتمعت أسرة الفنان الراحل نعيم عيسى في مقطع فيديو، تحدثوا فيه عن تجاهل الوسط الفني للراحل خلال فترة مرضه وكذلك بعد وفاته، باستثناء الدكتور أشرف زكي، نقيب المهن التمثيلية، الذي كان الوحيد الحريص على التواصل الدائم معهم.

قال سامي نجل نعيم عيسى في الفيديو الذي نشره عبر صفخة والده الرسمية: “قررنا نطلع نتكلم لأن فيه أشياء كتير مغلوطة على السوشيال ميديا ولذلك حابين نوضح بعض النقاط.. الراحل كان له محبين كتير وناس كتير من محبيه طلعوا في جنازته.. وبنشكر جمهوره وكل محبيه وكل الناس اللي دعت له أثناء مرضه وبعد وفاته.. وبطالب كل محبيه يكملوا في الدعاء.. وإن شاء الله يصيبه هذا الدعاء ويجعل مرضه في ميزان حسناته.. واللهم اغفر له وارحمه”.

محدش سأل عليه أثناء مرضه

وأضاف نجل نعيم عيسى: “بصراحة محدش سأل عليه أثناء مرضه، رغم أنه ليه أصدقاء في الوسط الفني كان بيحبهم، وبعد الوفاة محدش عزانا، باستثناء الدكتور الإنسان أشرف زكي اللي ما سبناش من أيام مرضه وكان بيسأل عليه كل يوم، وكلمنا بعد وفاته أكتر من مرة وأرسل عضو مجلس الإدارة حضر الجنازة نيابة عنه، بشكره والأسرة كلها بتشكره.. أما غيره مفيش حد سأل ولا حد عزانا ولا جالنا.. بكل بساطة كان يهمنا الناس اللي بتحبه والحمد لله كانوا كتير جدًا وده يكفينا كأسرة”.

وتابع نجل الفنان الراحل: “اللي يجي كان هياخد حسنات لكن في النهاية يهمنا الناس اللي بتحبه وجمهوره الكبير، وبالنسبة للي بيتكب على السوشيال ميديا والمواقع وبيقولوا محدش حضر من الفنانين.. إحنا محدش يفرق معانا”.

ورحل الفنان نعيم عيسى عن عالمنا يوم الاثنين الماضي عن عمر ناهز 92 عامًا، بعد وعكة صحية أصابته قبل شهر من وفاته، حيث توفي بأحد المستشفيات في الإسكندرية.