لو هتشتري ذهب جديد.. اعرفي آخر التريندات فى السلاسل والأنسيالات
الذهب مش بس زينة، لكنه كمان استثمار ذكي، خصوصًا مع ارتفاع الأسعار في 2025 ، ومع دخول موسم الصيف والمناسبات، كتير من البنات والسيدات بيبدأوا يدوروا على موديلات ذهب جديدة وعصرية، لكن السؤال: إيه هي أحدث صيحات الموضة في السلاسل و الأنسيالات؟
في هذا التقرير، جمعنالكِ آخر التريندات اللي سيطرت على واجهات محلات الذهب في مصر، ونصائح مهمة تختاري بيها القطعة المناسبة ليكي من حيث الذوق والسعر، وكمان نعرضلك بالصور أحدث الموديلات اللي تناسب جميع الأذواق.
أبرز تريندات سلاسل الذهب في مصر 2025
1. السلاسل العريضة Bold Chains
السلاسل العريضة راجعة بقوة في 2025، وبتدي لوك جريء وراقي، كتير من الموديلات فيها لمسة عصرية، زي التشبيك المزدوج أو الحلقات المتداخلة، وممكن تتلبس لوحدها أو مع طبقات تانية.
2. السلاسل بأحرف وأسماء
السلاسل اللي عليها أول حرف من الاسم أو اسم كامل لسه من التريندات اللي بتكمل السنة دي، بتدي لمسة شخصية ومميزة وممكن تتفصل حسب الطلب.
3. السلاسل متعددة الطبقات
الستايل ده بقى محبب جدًا، خصوصًا مع الملابس الكاجوال، الموديلات الجديدة فيها تنويعات في الطول والخامة، وبتدي شكل متكامل لو اتلبست مع بعض.
صيحات الأنسيالات الجديدة في 2025
1. أنسيالات رفيعة بأحجار لامعة
أنسيالات خفيفة ورقيقة، لكن فيها لمسة فخامة بفضل الأحجار الصغيرة أو الزركون، وبتليق على الإطلالة اليومية أو السهرة.
2. أنسيالات عريضة بتصاميم هندسية
موضة الأنسيالات العريضة مكملة في 2025، خصوصًا اللي فيها تصميمات هندسية أو مربعات متداخلة. مناسبة للبس الرسمي أو الخروجات.
3. أنسيالات برموز ورمسيات
من القلوب للعيون والنجوم، الرموز منتشرة بقوة في الأنسيالات الجديدة، وبتحمل معاني رمزية وحب وبهجة.
نصائح لاختيار الذهب الجديد
حددي ميزانيتك قبل ما تنزلي، علشان تختاري من الموديلات المناسبة ليكي.
ركزي على العيار والمصنعية، لأنهم بيفرقوا في السعر النهائي.
اختاري من محلات معروفة وموثوقة علشان الضمان والفاتورة.
خلي الموديل يناسب شخصيتك، مش لازم تمشي ورا الموضة بس، المهم القطعة تعجبك وترتاحي فيها، ولو ناوية تشتري دهب جديد في 2025، يبقى لازم تتابعي آخر التريندات وتختاري القطع اللي تناسب ذوقك وشخصيتك وكمان ميزانيتك، من السلاسل العريضة للأنسيالات الرمزية، الاختيارات كتيرة والأسواق مليانة بالجديد، خدي وقتك، شوفي أكتر من مكان، وخلي الذهب استثمار ذهبي بجد.
