هنا ابنة ممدوح عبدالعليم تحيي ذكرى ميلاده: "كل سنة وأنت الغائب الحاضر"
حرصت هنا ابنة الفنان الراحل ممدوح عبدالعليم على أن تحيي ذكرى ميلاده، مؤكدة أنه حاضرًا في حياتها بشكل دائم، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
هنا ابنة ممدوح عبدالعليم تحيي ذكرى ميلاده
وعلقت هنا ممدوح عبدالعليم قائلة: “ده العيد ميلاد ال١١ وهو الغائب الحاضر، بس انهاردة أنا بصور ومافيش حاجة احلى من اني اقضي ليلة عيد ميلاده في مكان أو حاجة هو كان بيعملها دايما فحاسة أن ربنا بيطبطب عليا، السنادي أنت حاضر أووي أووي يا بابي وأنا مش زعلانة أنك مش هنا عشان أنت دايما موجود كل سنة وانت طيب يا روح قلبي”.
ممدوح عبدالعليم مع ابنته هنا
في سياق متصل، تحدثت هنا ممدوح عبدالعليم ابنته في إحدى اللقاءات السابقة عن ذكرياتها مع والدها الراحل، حيث قالت: “زي ما هو كان ممثل مافيش زيه، هوة كمان أب مافيش زيه، هو كان بينيمني ويأكلني ويوديني المدرسة، ولو ماما مش راضية أعمل حاجة لا بابا يقنعها، يوم ما قررت أروح الجامعة برا مصر، هو كان بيشجعني ومعارضنيش خالص، بالعكس كان عايزني أكون زي ما أنا دلوقتي، لما الناس بتعرف أنا بنت مين، مش بلاقي معاملة خاصة ولكني بلاقي معاملة طيبة لأني بنته”.
