"توكلنا على الله".. جوري بكر تبدأ تصوير مسلسل في سبيل الحب
شاركت الفنانة جوري بكر جمهورها كواليس أول يوم من تصوير مسلسل في سبيل الحب، حيث نشرت صورة لها من داخل الكارفان الخاص بها وبيدها أسكريبت للمسلسل، وذلك عبر حسابها الرسمي على موقع تبادل الصور والفيديوهات إنستجرام.
كواليس تصوير مسلسل في سبيل الحب
واكتفت جوري بكر بتعليق مقتضب قائلة: “توكلنا على الله”.
تعليق جوري بكر على التكريمات
وفي سياق آخر، قد خرجت الفنانة جوري بكر عن صمتها، لتكشف عن رأيها في التكريمات مؤخرًا خاصة أنها لم تظهر في أي مهرجان خلال الفترة الماضية ولم تحصل على أي تكريم، وقد حسمت الجدل من خلال منشور عبر حسابها الرسمي على موقع تبادل الصور والفيديوهات إنستجرام.
وعلقت جوري بكر قائلة: “عشان نحسم الموضوع ده نهائيا ، أنا ربنا كرمني وأكرمني، وبالنسبالي التكريمات مش مقياس لنجاحي ولا لقيمتي كفنانة. كل حاجة بتيجي في وقتها الصح، ولما ربنا يريد، حرفيا زهقت من سؤال: «ليه يا جوري مش بنشوفك في التكريمات ؟».. طيب ما تسألوا المسؤولين عن التكريمات، وهل فعلا التكريمات دي بتتم على أساس الاستحقاق والنجاح والمجهود، ولا بقت فيها مجاملات وواسطات؟، أنا بالنسبالي التكريم الحقيقي إني أجتهد وأتعب وأقدم أعمال ناجحة أكون فخورة بيها، وأشتغل مع مخرجين ومنتجين محترمين، وأكون عندي نقابة محترمة بتقدرني كفنانة، وجمهور حقيقي بيحبني وبيحترم شغلي، أنا بقيس نجاحي بمجهودي، وبالأعمال اللي بقدمها، وباحترام الناس ليا، مش بعدد التكريمات اللي بحصل عليها، وفي النهاية، أنا مؤمنة إن كل حاجة ليها وقتها، وإن ربنا مش بيضيع تعب حد. وأنا الحمد لله راضية عن مشواري، وواثقة إن اللي جاي بإذن الله هيكون أحسن، لأن اللي يهمني فعلا إني أسيب أثر حقيقي -بشغلي مش مجرد صورة على منصة تكريم”.
