عمرو أديب معلقًا على أزمة الإيجار: "السكن مش حيطان وبيبان..السكن هوية وشخصية"

نشر الإعلامي عمرو أديب صورة قديمة له تجمعه بوالده الراحل الأديب عبدالحى أديب وشقيقه الأصغر عادل أديب خلال تواجدهم بمحل سكنهم بوسط البلد، مؤكدًاأنهم كانوا يسكنون عمارة مرموقة ومعروفة حيث كان بها أكبر مكاتب الإنتاج الفنىمثل مكتب ملك الترسو الراحل فريد شوقى والفنان الكبير محمود المليجي. 

وكتب عمرو أديب من خلال حسابه عبر منصة “إكس”: “مع والدي الكاتب الكبير عبد الحي أديب وأخى الصغير عادل فى بيتنا فى وسط البلد، وكنا نسكن فى أفخم شارع فيكي يا مصر ، شارع شريف ، ايجار الشقه كان ٥٥ جنيها مصريا وهذا كان رقم كبير لاي شقه ولكن والدى كان حابب انه يسكن فى عمارة الفنانين حيث أكبر مكاتب الانتاج مثل فريد شوقى ومحمود المليجي . كنا فى أهم مدرسه فى البلد فيكتوريا كوليدج مصاريفنا التلاته ٢٥٠ جنيه فى السنة". 

وتابع عمرو أديب فى إشارة منه لأزمة الإيجارات التى تشهدها مصر مؤخرًا: “ بس كان أهم حاجه بالنسبه لينا قدام صحابنا احنا ساكنين فين ، فى وسط البلد فى أهم عمارة، السكن كان وضع اجتماعي، وكنا جنب كل حاجه ، كل السينمات كل المطاعم كل المكتبات ، كان ممكن ننقل فى أي شقة ـأكبر وأرخص لكن المكان مهم . السكن مش مجرد حيطان او بيبان السكن هوية وشخصية”.

الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر» على مشروع قانون الإيجار القديم؛ قائلا: «اعلم أن أنت هتظلم حد هتظلم حد، اللي هو فيه ناس هتتظلم من أجل مستقبل أفضل، أو زود المدة، خليهم 8».

وأضاف: «غالبية الناس اللي اخدت الشقق دي في الستينات هي في ذمة الله، لكن الناس اللي قاعدة دي نعمل فيها أي، ناوي تظلم، ودي مدرسة تظلم البعض من أجل أن تستقيم الحياة للأبد»

 الإجراءات القانونية

واستكمل: «هات الحكومة وسألهم أنت عندك الإجراءات القانونية اللي لو الراجل ما خرجش بعد 5 سنين هتقعد توفره مكان ولا لأ؟، أنت عندك مكان بديل توفره للناس دي ولا لأ».

وأكد: «انت تتعامل مع شعب فقير، احنا مش في بريطانيا ولا فرنسا، أنت تتعامل أيضا مع حكومة فقيرة، فين العمارات؟، يا جماعة تيقنوا، يا اعضاء مجلس النواب انتم ناس محترمين وعندكم ضمير، تيقنوا إن الحكومة هتنفذ القرارات دي».

 حالة توجس مستمرة

وفي وقت سابق؛ قال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «بقا عندنا حالة توجس مستمرة، حتى لو جبتلك الحاجة لحد عندك، الموضوع أبسط من كده، قواعد صحية التزم بيها، وحدوا بالكم من حاجة بتحصل، محل لما يكون ضخم زي كده بيكون ليه موردين كتير، ولما المحل يقفل بيلاقي فيه هجوم عليه اديني فلوسي دلوقتي مش عارف هتفتح ولا لأ»