"القلب وما يريد".. ندى بسيوني تكشف عن سبب تعلقها بالنادي الأهلي
كشفت الفنانة ندى بسيوني عن السبب وراء تعلقها الشديد بالنادي الأهلي وفخرها واعتزازها بالانتماء له، وذلك من خلال منشور عبر حسابها الرسمي على موقع التواصل الإجتماعي فيسبوك.
سبب تعلق ندى بسيوني بالنادي الأهلي
حيث قالت ندى بسيوني موضحة: "أنا باحب الكرة وباحب أتابعها على المستويين المحلي والدولي.. أما ردي عن سؤالك ليه أو اشمعنى الأهلي؟ فالقلب وما يريد.. زي ما بيقولوا يعني في ناس بتحب الشيكولاته بالبندق.. والمكسرات.. وناس بتحب الحواوشي والمخلل، وأنا اخترت أحلى حاجة لتتناسب مع المارد الأحمر.. والأهلي بالنسبة لي هو السكر بزيادة والحاجة الحلوة اللي بتفرحني.. الأهلي مثل الشيكولاته يحسن مزاجي، الأهلي نادي أفتخر به على مدار سنوات طويلة.. بطولاتنا كثيرة ومستحقه عن جدارة.. اللعيبة بتعمل مجهود لآخر لحظة إحنا مشهورين بالـ "Plus 90".. ممكن نعدي بكبوات زي أي إنسان.. لكن ده مش معناه إننا هنفضل كده علطول.. بل سرعان ما نعود من جديد، ونقف على رجلينا بقوة من تاني."
ندى بسيوني تدافع عن بطولات النادي الأهلي
واستكملت ندى بسيوني قائلة: “أنا هافضل متماسكة ومش هتخانق.. لأن اللي واثق من نفسه، وواثق في ناديه ولاعبي فريقه مش هيضايق خالص.. بالعكس فكل اللي هقوله لك.. احسبها كده بالمنطق.. ما هو اللي عنده منطق وبيفكر وعنده عقل.. يفهم ان ما فيش حاجة اسمها الكلام ده، اجمالي بطولات الأهلي اكتر من 155 بطولة رسمية في كرة القدم على المستوى المحلي والقاري والاقليمي والدولي.. تفتكر لو حد جاملك مرة ولا مرتين ولا عشرة هيجاملك في 155 بطولة؟ طيب.. الدوري 45 مرة، كأس مصر 39 مرة، كأس السوبر المصري 16 مرة.. دوري أبطال إفريقيا 12 مرة، السوبر الافريقي 8 مرات، افريقيا للأندية أبطال الكؤوس 4 مرات.. هاقول إيه ولا إيه ولا إيه؟!!!”
