بعد حفل فضل شاكر.. ريهام سعيد تتوجه بالاعتذار إلي بيومي فؤاد
توجهت الإعلامية ريهام سعيد بالاعتذار إلي الفنان بيومي فؤاد، خاصة بعد عودة المطرب فضل شاكر من خلال حفله بموسم الرياض، وجاء الاعتذار بسبب هجومها له أثناء تقديمه لمسرحية وقت أزمة فلسطين، وذلك من خلال منشور عبر حسابها الرسمي على موقع التواصل الإجتماعي فيسبوك.
ريهام سعيد تعتذر لـ بيومي فؤاد
وعلقت ريهام سعيد قائلة: “في يوم من الأيام هاجمت بيومي فواد لما عمل مسرحيه و فلسطين بتتضرب مع اني اعشق بيومي فواد و اشتغلت معاه كمان و مفيش اي حاجه وحشه بيني و بينه، بس أنا المشاهد الي كانت بتظهر كانت مخليانا كلنا في حاله عدم اتزان و هلع، امبارح في عز ما تمر بيه السعوديه أقيم حفل فضل شاكر و نوال و الحفلة كانت فوق الطبيعي في الجمال، انطلاقه فضل شاكر من موسم الرياض فكره عبقريه و الحفله كانت مبهره في الجمال و تفاعل الجمهور كان غير مسبوق، السعوديه نفسها قدمت هذا الحفل و قدمت مسرحيه لعمرو يوسف و بيومي فواد و هي بتمر بظروف صعبة جدا و لسه المطار كان تم الاعتداء عليه و كان في شهداء . ده كان درس كبير، آلسعوديه بتبعت رساله و بتقول ان محدش هايقدر يوقف ضحكتنا او يوقف فننا. رساله اقوي بكتير اوي من الي أنا كنت فاهماها، السعوديه و بيومي و كل الفنانين بيقدموا فنهم و هايفضلوا يقدموا فنهم مهما حصل، أنا بعتذر للك يا بيومي العاطفه اخدتني لكن انتوا الصح مهما حصل لازم نفضل نضحك و نشتغل و نعمر و نقدم فن، ربنا يا رب يحفظ مصر و السعوديه و كل البلاد العربيه يا رب، سياده المستشار تركي آل الشيخ شكرا علي الرساله القويه اللي بتقدمها من خلال استمرارك في تقديم فن عظيم . رينا ينصركوا يا رب”.
