محطات الوقود تخلط البنزين مع الماء.. وزير البترول الأسبق يكشف الحقيقة
نفى وزير البترول الأسبق الدكتور أسامة كمال، ما تردد عن خلط البنزين بالماء قائلاً“لايمكن خلط البنزين مع الماء في أي محطة، لا يمكن لأي محطة محطة وقود أن تضحي باسمها العالمي أو سوقها المحلي”
وجاء ذلك على رداً على تساؤل الإعلامي سيد علي حول حقيقة الأمر، بعد أن تصاعدت شكاوى عدد كبير من المواطنين اليوم، عبر موقع «فيسبوك»، من غش البنزين في بعض محطات الوقود، وهو ما أثار قلق مالكي السيارات بشأن الأضرار المحتملة على محركات سياراتهم، وتداول البعض معلومات تفيد بوجود بنزين المغشوش داخل محطات الوقود.
لايمكن أن تضحي الشركات باسمها عالمياً ومحلياً
وتابع وزير البترول الأسبق، “أنا مقدرش أتخيل إن “موبل” أو”شيل" أو “التعاون” أو “الوطنية”أو “توتال” أو “شركة مصر للبترول” ممكن يعمل كده، من الناحية دي مش وارد أبداً إن شركة من هذه الشركات تعمل كده.
وتساءل وزير البترول الأسبق، “هل في فعلا ولا مافيش؟ الاجابة أه فيه، البنزين نفسه مهما فصلته في معامل التكرير، زيه زي أي منتج ،زي الشامبو، زي الزيت، بيبقى فيها كمية بخار بايت في المادة نفسها”.
ظاهرة عرق البنزين
وأضاف “نسبة البخار دا بتبقى من 3 لـ 5 جزء في المليون، يعني طن البنزين ممكن يبقى فيه ثلاثة جرام ماء دايبين، يبانوا ازاي في محطة البنزين، البنزين لما بينزل تحت الأرض بيستنى متخزن لفترة، تحدث ظاهرة بنقول عليها ”البنزين بيعرق".
تكثف البخار
واستطرد “البخار دا بيتكثف، ويرجع ينزل تاني في الخزان الي موجود فيه، على مدار كام يوم ممكن يبقى فيه حوالي عشرة سنتيمتر ماء تحت موجودين في الخزان،والمحطات كلها مجهزة بـ ”ترمبات" شغالة بطريقة اوتوماتيكية، لما مستوى الماء يوصل للعشر سنتيمتر دول، تسحب الترمبات الماية دي".
تفتيش دوري من التموين والبترول
وأكد على أنه يتم تفتيش دوري من التموين والبترول على جميع المحطات، للتأكد من أن الترمبات شغالة وأن الخزانات مافيهاش نسبة ماية عالية".
وشدد على أن البنزين المسوق محليًا يخضع لرقابة وفحوصات دورية تضمن مطابقته للمواصفات القياسية المصرية.
