«بيخافوا من الضلمة».. محمد عشوب: محمود المليجي وفريد شوقي أطيب شخصين قابلتهم
وجهت الإعلامية نهال طايل، سؤالاً للماكيير محمد عشوب، “هل االفنان فريد شوقي والفنان محمود المليجي كانوا شخصيات صعبة ومركبة زي ما كانوا بيظهروا لينا على الشاشة؟ ومش سهل التعامل معاهم”
وتابعت طايل، “أخدنا انطباعات معينة عنهم من أعمالهم، ،إنهم كانوا أشرار، وانا شفت حلقة من برنامج للراحل الفنان محمود المليجي ظهر في البرنامج صوته قوي وحسيته زي ما انا بتفرج عليه في السينما”.
أطيب اتنين ممكن تقابليهم في حياتك
وفاجأ الماكيير محمد عشوب الإعلامية نهال طايل في حلقة اليوم الإثنين من برنامجها “تفاصيل” الذي حل فيه ضيفاً،والذي يذاع على قناة صدى البلد2، قائلاً "أطيب اتنين ممكن تقابليهم في حياتك.
وأضاف “لما تقابليهم تحسي إنهم أبوكي، أبوكي اللي ممكن ترتمي في حضنه وتعيطي،وترتمي في حضنه وتضحكي، هما فريد شوقي ومحمود المليجي”.
المليجي وشوقي طفلين
وتابع “ من معشرتي ليهم سنين طويلة هما أطيب اتنين خلقهم ربنا، وأخوف طفلين على وجه الأرض”
بيخاف من الضلمة
واستطرد “فريد شوقي مرة قاعدين في أوضة المكياج في ستوديو الأهرام والنور اتقطع، هرع فريد شوقي وقاعد يقول في إيه ولعوا شمع ولعوا شمع” متابعاً “كأن في عفاريت هتطلع علينا دلوقتي”.
فاجئت الإعلامية نهال طايل، الماكير محمد عشوب، بسؤالها عن الفرق بين جمال فنانات السبعينيات والستينيات وجمال فنانات الجيل الحالي.
وأجاب عشوب، “لا الفرق بينهم كالفرق بين السما والأرض، شكلاً وموضوعاً"
واستنكر قائلاً “الأنثى، هل يوجد في جمال هند رستم، في شكلها وفي جسمها وفي تركيبتها الجسمانية والشكلية والتمثيلية”وتابع "هل يوجد في جمال هدى سلطان في فيلم امرأة في الطريق
لن نقارن جميلات الوقت الحالي بجميلات العهد السابق
وتابع “هل يوجد في جمال شادية في معظم افلامها السينمائية؟ أو نادية لطفي، أنا بقول الحق، في جميلات، ولكن لن نقارن جميلة من جميلات الوقت الحالي بجميلات العهد السابق”.
هيفاء وهبي جمال صناعي
وعندما قالت نهال طايل، “يقال إن هيفاء وهبي ماشية على طريق هند رستم”، فاجئها قائلاً “صناعي، أنا بقولها بمنتهى الصراحة، دا جمال صناعي، ومعروف إنها أجرت من جراحات التجميل ما لا عدد له”
وأضاف “لما تشوفي أفلام الأبيض والأسود دي مش هتلاقي أسماء المكياج موجودة بالشكل اللي يلفت النظر”، متابعاً “محدش كان بيلفت نظره كلمة مكياج”.
مهنة الماكيير لازمم تاخد حقها
واستطرد “قلت لأ لازم المكياج ياخد حقه، فبقيت أفرض إن اسمي يكتب بمفرده، زيه زي النجم زي النجمة زي المخرج ، فيتكتب في كادر لوحده، ماكياج محمد عشوب، الفنان الماكيير محمد عشوب”.
