محمد محسن يعلق على أزمة «العتاولة»: بهزر في الكواليس وبمشي |خاص
حضر الفنان محمد محسن عرض فيلم "الفستان الأبيض" ضمن فعاليات الدورة الـ73 من مهرجان المركز الكاثوليكي للسينما، والذي أُقيم مساء اليوم بقاعة النيل للآباء الفرنسيسكان.
وفي لقاء خاص مع "نيوز رووم"، علّق الفنان محمد محسن على الأزمة التي نشبت مؤخرًا بين الفنانة فريدة سيف النصر ومخرج مسلسل "العتاولة" أحمد خالد موسى، مؤكدًا على أنه يفضّل الابتعاد عن أي صراعات داخل الوسط الفني.
وقال محسن:" مبحبش أدخل في المشاكل دي.. ببعد عنها.. أنا بروح أصور مشهدي وأهزر شوية في الكواليس وأمشي.. بس ده ميمنعش أني استمتعت بالشغل مع الفنانة فريدة سيف النصر في الموسم الأول، واستمتعت مع مخرج العمل أحمد خالد موسى، هو مخرج بيعرف يضبط الشغل".
وأضاف:" استمتعت جدًا كمان بالشغل مع الفنانة فيفي عبده في الموسم الثاني، وكان في تعاون وحب إلى حد بعيد بين الفريق كله".
أزمة أحمد خالد موسى وفريدة سيف النصر
ويُذكر أن المخرج أحمد خالد موسى تحدث عن استبعاد الفنانة فريدة سيف النصر من الموسم الثاني في لقاء خاص ل موقع نيوز رووم، وقال: "كانت بتخلي اللوكيشن مسموم"، لترد الفنانة فريدة سيف النصر على تصريحات مخرج العمل عبر منشور على صفحتها الرسمية على موقع التواصل الإجتماعي فيسبوك، وقالت: "ده اتبعت لي من صحافيين قالولي ردي، ووالله العظيم قسم يتهز له سبع سموات .. برغم كل ما قالوه زمايلي من شكر ليا من السقا لطارق في حبر سري .. لمي كساب ولبني ونس وكل الشباب بلا استثناء كلام كله حب وتقدير .. في بوستات وفي برامج باشكرهم كلهم هدي الإتربي ونهي عابدين وزينب العب ومنة تيسير والشباب مؤمن نور وكريم محسن .. وفاضل مين ولوحدهم والله شكروا”.
واستكملت حديثها قائلة: "توصل لسامة ؟ …لا طبعا ربنا مايجيبش حاجة وحشة أبدًا .. وبالعكس أنا كنت بحبك زي فيفي مابتقول الله يكرمها بوقفتها وكلامها عنك .. حقيقي ماحدش يكرهك وليه الحياة بسيطة وبتخلص بالراحة .. اللي عايز حاجة ياخدها كله بيخلص .. طيب يا أستاذ تعالى نتفق على حاجة .. المسلسل نسيته من بعد مامشيت خلاص .. انسى ياستاذ وجودي أصلًا معاكم .. وانت فعلا ناسيني كشريك أول معاكم .. انساني وحياة حبيبك النبي .. مش كل شوية مواضيع .. حتى النجمة الكبيرة فيفي عبده مع إنجي علي وعملت لي مينشن .. أنا باشكركم من قلبي .. خاصة انت .. ويا جماعة كل الكلام علي جنب وكلام المخرج القائد المحترم هو الصادق .. أنا توكسيك أنا عندي مشاكل مع 100 شخص .. أنا حد مش كويس .. تخطاني يا أستاذ، انساني أنت صح في كل كلمه الله يكرمك .. ولا تحب نقرأ فاتحه تاني أن ماحدش يجيب سيرة حد باتهامات الله اعلم بيها ورسوله والمؤمنون .. ربنا يكفيك شر الناس السامة اللي زيي بعد أربعين سنة اعمال ناجحة وماحدش جاله تسمم ؟ .. كتر خيرك وحياة ولادك انساني .. وانت الصح ياجماعة أنا باقول لكم هو الصح خلصنا بقى وبالإنجليش .. Let it go...move on..شكرا”.
