باسم مرسي يهاجم شركات العقارات: زهقنا وتعبنا وتليفوناتنا بقت مباحة للجميع
شن الكابتن باسم مرسي، لاعب الزمالك ومنتخب مصر السابق، هجوما على شركات العقارات والمطورين العقاريين في مصر، بسبب كثرة الاتصالات الهاتفية التي يتلقاها للترويج للعقارات، مطالبا الدولة بالتدخل لوضع حد لهذه المشكلة.
هجوم حاد من باسم مرسي على شركات العقارات
وقال باسم مرسي: «يا جماعة، والله العظيم، الموضوع بقى متعب ومقرف جدا جدا جدا، وبناشد الدولة إنها تتصرف مع شركات العقارات في مصر».
وأضاف: «والله ما بنعرف نتكلم في التليفون من كتر الاتصالات، وكل شوية حد يتصل ويقول أنا فلان من شركة كذا، أو أنا من الشركة الفلانية. يا جماعة أنا زهقت، زهقت من بتوع الريل استيت دول، بصراحة الموضوع بقى غير محتمل».
وتابع لاعب الزمالك ومنتخب مصر السابق: «الشركات العقارية دي لازم الدولة تتصرف معاها، إحنا زهقنا وتعبنا خلاص، تليفوناتنا بقت مباحة، وأرقامنا بقت متاحة للجميع، والمطورين العقاريين في مصر قرفونا وزهقونا».
وناشد الجهات المعنية التدخل لإنهاء هذه الأزمة، قائلا: «والله العظيم، الموضوع بقى صعب جدا، وأنا بناشد الناس والمسؤولين، لأنني زهقت وتعبت من كثرة اتصالات شركات العقارات».
