«إحنا مش فئران تجارب».. النائب باسم كامل ينتقد خطط التعليم الجديدة
انتقد النائب باسم كامل، الأمين العام للحزب المصري الديمقراطي الاجتماعي، كثرة الخطط التي تطرحها وزارة التربية والتعليم، والتي تشتت الطلاب، قائلا: «كل وزير تعليم بييجي بخطة جديدة ويهدم شغل اللي قبله.. مفيش نظام تعليم موحد ولا تكافؤ فرص والمناهج محتاجة تطوير».
وأضاف كامل، خلال حواره مع الإعلامية نهلة عامر، في بودكاست «الكلام على إيه» المذاع عبر منصة «كواليس برلمانية»: «هل نظام المدارس الياباني دي حلوة؟.. طب ليه مش بنشوف إيه اللي حلو في أي منظومة تعليمية ونستفاد بالتجربة ويكون عندنا نظام تعليم مفيد وكويس ومتطور لكن ليه يتم التعامل على إننا فئران تجارب».
وتابع: «التعليم الساسي يجب أن يكون جيد ومجاني وموحد، المثل بتاع ابن الوزير وابن الغفير قاعدين جنب بعض ده مش كلام ده بالفعل كان موجود في مدراسنا زمان في مدارس الحكومة بتاعتنا وصحاب وزمايل وبيطلع عندهم شعور الإنتماء لكن النهاردة أصبح في تفرقة في المدراس لمجرد إن مينفعش ابن الغفير معايا».
كما أكد النائب باسم كامل أنه ليس ضد تطوير منظومة التعليم أو استخدام التكنولوجيا الحديثة في العملية التعليمية، موضحا أن اعتراضه يتعلق بترتيب الأولويات، خاصة في ظل وجود تحديات أساسية داخل المدارس تحتاج إلى حلول عاجلة، وعلى رأسها سد عجز المعلمين وتحسين أوضاعهم وتوفير أماكن مناسبة للطلاب داخل الفصول.
وقال باسم كامل: «أنا مش ضد التطوير، لكن شايف إن الأولوية مش إننا نصرف على تابلت الثانوية العامة، الأولوية إننا نصلح أولوياتنا».
وأوضح النائب أن الأولوية في الوقت الحالي يجب أن تكون لتوفير المعلم والفصل المناسب للطلاب، متسائلا: «يعني إيه أولى؟ إن الطالب يبقى عنده مدرس ولا يبقى عنده تابلت؟ ولا يبقى عنده فصل ومكان يقعد فيه؟».
وأشار إلى أن أزمة عجز المعلمين لا تزال تمثل أحد التحديات التي تحتاج إلى التعامل معها، مؤكدا أن تطوير التعليم لا يرتبط فقط بتوفير الأجهزة الإلكترونية للطلاب، وإنما يبدأ من تهيئة البيئة التعليمية الأساسية التي تسمح للطالب بالحصول على خدمة تعليمية جيدة.
