بسبب أغنية القلب مات.. حودة بندق يوجّه رسالة لشيرين عبدالوهاب
تصدر مطرب المهرجانات حودة بندق تريند محركات البحث بسبب أغنيته "القلب مات"، التي تحتل المرتبة الثانية بعد أغنية خاين المطربة شيرين عبدالوهاب، ولذلك وجه لها حودة بندق رسالة من خلال منشور عبر حسابه على موقع تبادل الصور والفيديوهات إنستجرام.
رسالة حودة بندق لشيرين عبدالوهاب
حيث قال حودة بندق: "من ١٣ سنة في٢٠١٣ أول مقابلة ليا مع صوت مصر شيرين وكانت هي والفنانة آصالة بيدعموني جدًا وعملت حلقة في برنامج صولا، و النهارده بعد 13 سنة بتنزل اغنية ليا أنا و الأسطورة شيرين عبد الوهاب و هيا رقم 1 و أنا رقم 2، مبسوط وسعيد و فخور بمشواري اللي لسه بيبدأ و مبسوط كمان اني بنافس بالشكل الموسيقي اللي أنا متربي عليه و كان نفسي انجح فيه من زمان و الحمدلله الأحلام دلوقتي بتتحقق و عندي بدل الاغنية اكتر من اغنية ناجحين في الشكل الموسيقي و سوق البوب الصعب اللي فيه عتاولة في".
سعادة حودة بندق بنجاحه
واستكمل حودة بندق رسالته قائلًا: "مبسوط و سعيد بالنجاح اللي معملتوش لوحدي معايا شركاء نجاح كتير فيه شكرا ليهم فرد فرد بحبكم وربنا يخليكم ليا و تفضلوا دايما في ضهري وبالأخص شركة اي ميديا (مستر محسن احمد) وفادي صبحي حبيبي شركة جيمي برودكشن اخويا (احمد جمال)، شكرا اخويا و حبيبي و خلي (سلطان الشن)، وكل الشعراء و الملحنين و الموزعين اللي اشتغلت معاهم شكرا جدا ولسه المشوار طويل، و بالمناسبة استنوا ألبومي خلال أسابيع".
