مديحة حمدي لـ"نيوز رووم": أتمنى الحصول على جائزة الدولة التقديرية

كشفت الفنانة مديحة حمدي عن أمنيتها بالحصول على جائزة الدولة التقديرية، مشيرة إلى أنها كانت مرشحة للجائزة العام الماضي، لكنها لم تحصل عليها.

وقالت مديحة حمدي في تصريح خاص لـ"نيوز رووم": "أنا أخدت جائزة الدولة التشجيعية بفضل الله، أتمنى إني أخد التقديرية، وأنا كنت مرشحة السنة اللي فاتت بس محصلش نصيب، وإن شاء الله الجايزة اللي جاية التقديرية".

مديحة حمدي تتحدث عن التكريمات

وأعربت مديحة حمدي عن سعادتها بالتكريمات التي حصلت عليها خلال مشوارها الفني، قائلة: "طبعًا الجايزة عند الفنان زي الطفل وتعلقه بالشوكولاتة أو جايزة حلوة، يعني بنفرح زي الأطفال كأنها أول مرة نتكرم".

وأضافت: "كل التكريمات حلوة، أكتر فنانة ممكن الحمد لله والشكر لله يعني أخدت جوايز، سواء في الالتزام أو الاحترام أو كأم مثالية، والحمد لله بتكرم على طول".

وتابعت: "أنا اتكرمت كتير لدرجة حتى الولاد بيقولوا كتير اللي بيحصل ده، بس أنا بحس إنه بيقربني من الناس وبعرف مكانتي شكلها إيه، وإن أنا لسه مستمرة وإن رصيدي عند الناس لسه موجود".