كريم سرور يشيد بـ فيلم القصص: "فيه أمل فى السينما"
أشاد الفنان كريم سرور بـ فيلم القصص، الذي رُشح مؤخرًا إلي جائزة أوسكار، وذلك من خلال منشور عبر حسابه الرسمي على موقع التواصل الإجتماعي فيسبوك.
كريم سرور يشيد بـ فيلم القصص
وعلق كريم سرور قائلًا: “طب ما فيه أمل فى السينما أهو ، أومال أنا لاوى بوزى ليه وعمال وأقول مفيش سينما مصرية حلوة زى زمان، الفيلم حلو جداً وحقيقى أوى و إخراج عظيم ، سهل ممتنع بمنتهى الدقة والإحترافية ، سرد بصري ودراما جميل بجد.”
أمير المصري يروج لـ فيلم القصص
وقد حرص الفنان أمير المصري على أن يروج لأحدث أعماله السينمائية وهو فيلم القصص، وذلك من خلال نشر مجموعة من صور الكواليس عبر حسابه الرسمي على موقع تبادل الصور والفيديوهات إنستجرام.
وعلق أمير المصري قائلًا: “أنا حابب أشكر من قلبي كل الناس اللي دخلت فيلم “القصص” لحد دلوقتي وكتبت عنه وشاركتنا رأيها، بجد متشرف جدًا وممتن لكل الحب والكلام الجميل اللي الفيلم أخده لحد دلوقتي. كنت مؤمن إننا عاملين حاجة مختلفة ومميزة، لكن كمية الدعم والتقدير اللي وصلتنا من الجمهور في مصر وفي العالم العربي كل حاجة أسعدتني جدًا وليها مكانة خاصة عندي، “القصص” لسه شغال في السينمات، ويا رب اللي لسه ما شافوش يروح يتفرج عليه. ولو عايزين نشوف أفلام أكتر من النوع ده، أفلام بتحترم عقل الجمهور وبتقدم حاجة مختلفة، فلازم ندعمها ونشوفها في السينما. النوع ده من الأفلام ما بيعش غير بحضوركم ودعمكم، وإن الناس تنزل مخصوص علشان تتفرج عليه على الشاشة الكبيرة، شكرًا من قلبي، وإن شاء الله الفيلم يفضل يوصّل لناس أكتر وأكتر”.
تفاصيل فيلم القصص
فيلم القصص تدور أحداثه في إطار درامي يمتد من عام 1967 وحتى أواخر ثمانينيات القرن الماضي، حيث يتابع رحلة أحمد، عازف البيانو الطموح، الذي يسعى لتحقيق أحلامه وسط تحديات الحياة وتقلبات العلاقات العائلية والعاطفية، في فترة شهدت تحولات سياسية واجتماعية وثقافية متسارعة.
وفيلم القصص بطولة نيللي كريم وأمير المصري، فاليري باشنر، وكريم قاسم، وأحمد كمال، وصبري فواز، وخالد مختار، وأحمد العزار، وشريف دسوقي، وعمرو عابد، والعمل تأليف وإخراج أبو بكر شوقي.
