صلاح عم الفنان حمدي المرغني وأخو الضحية: كان رايح شغله ومعنجناش خلاف مع حد

روى صلاح المرغني، شقيق الضحية وعم الفنان حمدي المرغني، تفاصيل مقتل شقيقه، مؤكدا أن شقيقه لا علاقة له بأي خلافات.

وقال صلاح: خلال لقاء مع الإعلامية ياسمين عز ببرنامج كلام الناس، كان رايح شغله وفوجئ بناس بعربية نصف نقل وقفوه في الطريق، قالوا له إن فيه خلاف معاكم يا عيلة العزايزة، فقال لهم أنا راجل محترم ومفيش خلاف مع حد.

وأضاف: قالوا له احنا في خلاف معاكم من 2010، لكن طلع إن الخلاف مع طرف تاني من العيلة لأن عيلة العزايزة كا فرع، يعني احنا مش طرف في الموضوع خالص، فرد أخويا عليهم وقالهم أنا راجل محترم وفي حالي ومسالم ومعنديش خلاف مع حد، راحوا شادينه وهياخدوه معاهم فهو عارضهم راحوا ضاربينه بالنار.

ولفت إلى أن ما يتم تداوله بأن الموضوع «ثأر»، ليس صحيحا، موضحا: «احنا ناس متعلمة ومفيش الكلام ده».