محامية الستات لـ ملكة التريندات: القائمة مشروع فاشل وبيضيع حق الزوجة
علفت المحامية فيروز الصافي، المعروفة بمحامية الستات، عن سبب تسميتها هذا الاسم، قائلة: «أولا أنا ما بشتغلش بالهواية أنا بشتغل بالقانون، وكانت في فترة من حياتي شغل القضايا عندي كتير شوية وطبيعي طبيعة شغل محكمة الأسرة كله ستات، لأن الست عموما بتبقى الطرف الأضعف في العلاقة، فطبيعي هي اللي بتلجأ للقاضي علشان يجيب لها حقها من الطرف القوي اللي هو الراجل، علشان كده بقيت محامية الستات».
وأضافت، خلال استضافتها في برنامج «ملكة التيرندات» مع الإعلامية سارة مكي، المذاع عبر منصة نيوز رووم، «الست بتلجأ للقاضي علشان تطلق نفسها وعلشان تجيب نفقة عيالها، فطبيعي الراجل مش هيرجع للمحكمة علشان يتطلق، مش معنى إن أنا «محامية الستات» إني بنزل للشغل الصبح بقول أنا الست صح والراجل غلط، لا طبعا، فيه ستات كتير ظلمة وفيه رجالة كتير مظلومة».
وواصلت: «الراجل بيعرف يقدر يطلق نفسه.. الراجل لو مراته مزهقة في عيشته مش هيرجع للمحكمة علشان تطلقه، الراجل مش هيستنى أو يطلق بالمحكمة إن حد يعوله، فطبيعي شغل محكمة الأسرة كله ستات علشان كده اللقب طلع من هنا».
وتابعت: «أنا مش قاضي علشان أفصل مين صح ومين غلط ولا بوزع شهادة حسن سير وسلوك أنا محامية مش قاضي ولما ست بتيجي تقولي عايزة أتطلق أو أخلع جوزي بنفذ طلبها».
وعن فكرة الرجل الذي يمتنع عن الصرف على ابناؤه،قالت: «مفيش حاجة في القانون اسمها إن اللي يطلق مراته يطلق ولاده الراجل ملزم يصرف على أولاده».
كما أمدت أن الحيل الذي يتبعها بعض الراجل من أجل الهروب من تقديم وثيقة رسمية تثبت دخله، قالت: «مفيش حاجة اسمها اللي ماعندوش شغل أو مفيش مفردات مرتب ليه إنه مش هيتحكم له بنفقة، فيه أكتر من طريقة لإثبات الدخل، فيه شهادة الشهود، فيه أكتر من طريقة، تحريات المباحث، فيه أكتر من طريقة، نقدم مستندات، فيه أكتر من طريقة».
كما وجهت نصيحة للسيدات بأهمية عدم الإمضاء على ورقة دون التأكد منها: « متوقعش على أي ورقة غير لما تقراها كويس، ولو إنت مش محتاجة، يعني لو خلاص العلاقة الزوجية ما بينكم انتهت وخلاص فيه منازعات كتير ما بينكم، فما تلجئيش أول حاجة تلجئي لها الخلع، ممكن ترفعي نفقة الزوجية ونستنى شوية لو فيه مجال للإصلاح يتم لكن لو مفيش مجال للإصلاح، تاخد باخد نفقة».
كما تطرقت للحديث عن قائمة المنقولات الزوجية، قالت: «القايمة مشروع فاشل خليه هو يجهز ويطفع مهر ورحي بشنطة هدومك ويكون هو دافع ثمنها.. ليه أجيب عفش وفي الأخر استلمه مستهلك أنا مستفدتش حاجة ولا حفظت قيمته».
