عصام صاصا يحتفل بعيد زواجه من جهاد أحمد: "آسف على كل مرة زعلتك فيها"
احتفل مطرب المهرجانات عصام صاصا بعيد زواجه من جهاد أحمد، وذلك من خلال نشر مقطع فيديو من خلال احتفاله معها عبر حسابه الرسمي على موقع تبادل الصور والفيديوهات إنستجرام.
عصام صاصا يوجه رسالة رومانسية لزوجته
وعلق عصام صاصا قائلًا: “ كل سنة وإنتي مراتي وحبيبتي وأغلى حاجة في حياتي، مش عارف أبدأ كلامي إزاي، بس يمكن أهم حاجة لازم أقولها إني آسف، آسف على كل مرة زعلتك فيها، وعلى كل وجع أو ضيقة كنت أنا سبب فيها، عارف إني زعلتك جامد، ومش هحاول أبرر لنفسي، لأن مهما كان اللي حصل، إنتي آخر واحدة تستاهل مني أي زعل، بس وسط كل الكلام ده، في حاجة واحدة عمري ما شكيت فيها، إني بحبك، بحبك أكتر من أي حاجة في حياتي، وأكتر مما بعرف أعبّر عنه بالكلام، إنتي مش بس مراتي، إنتي صاحبتي، وبيتي، وأماني، والشخص اللي نفسي أفضل معاه العمر كله، وجودك في حياتي نعمة كبيرة، وأنا يمكن ساعات بغلط ومبعرفش أقدّر النعمة دي بالشكل اللي تستحقه، بس ده عمره ما يقلل من مكانتك عندي.”
عصام صاصا وزوجته يحتفلا بعيد جوازهم
واستكمل عصام صاصا حديثه قائلًا: “في عيد جوازنا، أنا مش عايز أقولك بس “كل سنة وإنتي طيبة”، أنا عايز أقولك إن نفسي أكون الشخص اللي يطمنك ويفرحك، مش اللي يوجعك. ونفسي أصلّح كل حاجة اتكسرت بينا، وأثبتلك بأفعالي قبل كلامي إنك أهم إنسانة في حياتي، بحبك في كل حالاتك، وبحب تفاصيلك، وبحب وجودك جنبي، وحتى في أصعب أوقاتنا أنا برضه بختارك إنتي، كل سنة وإنتي حبيبتي ومراتي وأجمل حاجة حصلتلي، وربنا يخليكي ليا، ويخليني دايمًا سبب في ضحكتك مش دموعك، بحبك ومهما كتبت مش هعرف أوصف قد إيه إنتي غالية عندي.”
عصام صاصا في فيلم محمود التاني
على جانب آخر، كان عصام صاصا، أعلن مشاركته في فيلم محمود التاني، بطولة الفنان كزبرة والفنان أحمد غزي، ونشر كزبرة عبر حسابه الرسمي على إنستجرام، صورة جمعته بـ عصام صاصا وأحمد غزي، وعلق : “مفاجأة فيلم محمود التاني أخويا الصاصا”.
والعمل يعد ضمن الأعمال الاجتماعية الكوميدية، وهو من بطولة، كلًا من كزبرة، أحمد غزي، كارولين عزمي، جنى الأشقر، عصام صاصا، وغيرهم، والفيلم تأليف إياد صالح، إخراج عبدالعزيز النجار، وإنتاج طارق الجنايني.
