تامر أمين عن هروب الطلاب من المدرسة: عايز أعرف هم بيفكروا في إيه
انتقد الإعلامي تامر أمين، واقعة هروب عدد من الطلاب من المدرسة في أول يوم انتظام بالعام الدراسي الجديد، بعد انتهاء الطابور الصباحي مباشرة، مطالبا ببحث أسباب تصرفهم قبل الاقتصار على توقيع العقوبات عليهم.
وقال تامر أمين، خلال تقديمه برنامج «آخر النهار»، إن الطلاب ظهروا في مقطع فيديو وهم يقفزون من فوق سور المدرسة بعد الطابور الصباحي مباشرة، متسائلا عن السبب الذي دفعهم إلى عدم استكمال أول حصة دراسية في أول يوم من العام.
تامر أمين: عايز أعرف هم بيفكروا في إيه
وأضاف: «أنا عايز أعرف هم بيفكروا في إيه والمدرسة بالنسبة لهم إيه، ويعني مجبورين قوي على المدرسة كده ليه، يعني إيه الجبر الفظيع والضغط الفظيع إن هم مش طايقين حتى يحضروا أول حصة في أول يوم».
وتابع: «لسه ما قلناش يا هادي، لسه التخته ما اتعدش عليها»، مؤكدا أن المشهد بالنسبة له «مسيء»، لكنه أشار إلى أن حديثه لا يتعلق بالعقاب فقط، وإنما بفهم الدافع وراء هذا السلوك.
تامر أمين يطالب بالاستعانة بمختص نفسي
وطالب تامر أمين المدرسة، قبل توقيع العقوبات على الطلاب، بالاستعانة بمختص نفسي أو أخصائي اجتماعي للجلوس معهم ومعرفة أسباب هروبهم.
وقال: «قبل ما تعاقبوهم هاتوا المستشار النفسي ولا المستشار الاجتماعي ولا الأخصائي النفسي ولا حد استشاري نفسي يقعد معاهم يقول لهم: ليه عملت كده؟ ليه مش قادر تصبر حتى على أول يوم دراسي؟».
تامر أمين: لازم العقاب والإصلاح معا
كما طالب بضرورة متابعة أولياء الأمور لأبنائهم ومعرفة ما يحدث معهم داخل المدرسة، قائلا إن الهدف ليس فقط معرفة من أخطأ ومعاقبته، وإنما الوصول إلى سبب المشكلة والعمل على حلها.
وأكد تامر أمين أن العقاب لا يجب إلغاؤه، قائلا: «لازم يبقى في عقاب طبعا عشان العقاب هو أساس العدل وفكرة الردع عشان الآخرين ما يعملوش كده، بس مع العقاب لازم الإصلاح، مع العقاب لازم الإصلاح وإلا يبقى ما فيش فايدة».
