منتج عمر أفندي يكشف موقفه من تقديم جزء ثانِ من المسلسل |خاص

كشف المنتج إيهاب منير، عن موقفه من تقديم جزء ثانٍ من مسلسل عمر أفندي، مؤكدًا أن المشروع بعد حيز التنفيذ لعدم توافر مادة درامية تحفز على الاستمرار.

وقال إيهاب منير في تصريحاته لـ نيوز رووم: “لحد اللحظة دي مفيش حاجة اتكتبت تستفزنا نقدم جزء تاني، وبعد النجاح الكبير اللي حققه الجزء الأول مينفعش نقدم جزء تاني يقلل من النجاح ده، يا يزوده يا بلاش.. وإحنا منتظرين نلاقي ورق كويس”.

عرض مسلسل "عمر أفندي" العام الماضي وحقق نجاحًا كبيرًا، وهو مكون من 15 حلقة، بطولة أحمد حاتم، آية سماحة، رانيا يوسف، محمد رضوان، محمود حافظ، ميمي جمال، محمد عبد العظيم، الطفل جان رامز، وعدد آخر من الفنانين، ومن تأليف مصطفى حمدي، وإخراج عبدالرحمن أبوغزالة.

مسلسل أنا أنت.. أنت مش أنا

على جانب آخر، تحدث المنتج إيهاب منير عن مسلسله الجديد أنا أنت.. أنت مش أنا، مشيرًا إلى أنه يحمل رسالة إيجابية تتمثل في قدرة الإنسان في التغيير إذا آمن بقدراته: "طول ما أنت عندك قناعة أنك عندك قدرة على التغيير هتقدر  تكون أفضل".

وأضاف أن المسلسل ينتمي إلى نوعية الكوميديا الاجتماعية دمه خفيف ويعالج جانبًا من قضايا العالم الافتراضي والميتافرس.

وعن سبب تقديم المسلسل في 15 حلقة فقط قال: “المشاهد دلوقتي معندوش وقت بيتابع بالعافية، وبالعكس إنتاج 30 حلقة مش ضعف تكلفة الـ 15 لكنه بيزيد بنسبة 30 أو 40 % في المية”.

وأشار إلى أنه كان حذرًا في اختيارته بعد النجاح الذي حققه مسلسل عمر أفندي، موضحًا: “لما تنجح أوي بتحس إنك محطوط في زاوية صعبة، واللي جاي لازم يكون بنفس المستوى أو أقوى، وأنا بحب المواضيع المختلفة وبحب يكون لينا قيمة في المنتج كمنتج أو شركة إنتاج”.