أسما شريف منير تثير الجدل: "عمري ما دعمت نفسي"
أثارت الإعلامية أسما شريف منير الجدل، خاصة بعد أن أوضحت أنها تدعم كل من حولها ولكن قصرت في حق نفسها ولم تدعمها بالشكل الذي يليق، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
أسما شريف منير لم تدعم نفسها
وقالت أسما شريف منير موضحة: “ اكتشفت حاجة في نفسي من قريب أوي، إني طول الوقت بدعم كل الناس، بس عمري تقريباً ما دعمت نفسي بنفس الطريقة، بتكسف أوي أسوّق لحاجاتي، أو أتكلم عن شغلي، أو أقول أنا عملت إيه وبعمل إيه. بحس كأني بطلب حاجة من الناس، وأنا أصلاً من أكتر الناس اللي مش بتحب تطلب من حد حاجة، بس لما مسكت الماركتنج في عالم تاني، اكتشفت حاجة غريبة، عشان أنا مش في الصورة خالص، حسيت بحرية رهيبة، بصوّر، وبمنتج، وبفكر، وبجرّب، وبشتغل على طرق مختلفة أعرف بيها الناس بالمكان من غير ما أنا أبان، دايماً ورا الكواليس. والنتيجة بعد ٣ سنين من تعب و جهد و شغل، النهارده تقريباً كل الوسط الفني عارفه كويس جداً، من أهم وأكبر الناس في المجال للشباب اللي لسه بيبدأوا، حتى اللي بيعمل مش عارف… هو عارف، بس إيجو الفنان ساعات بيخليه يعمل مش عارف، ومش بس في مصر، إحنا معروفين في السعودية ودبي وبلاد كتير في الوطن العربي، وكمان في أمريكا، وده خلاني أكتشف حاجة كنت محتاجة أعترف بيها لنفسي، أنا بصراحة جامدة في شغلي. وقلت ما بدهاش بقى، أنا هتكلم".
وعد أسما شريف منير لنفسها
وكشفت أسما شريف منير عن الوعد الذي وعدته لنفسها: "بس خلاص بقي انا هشتغل على كل حاجاتي بصوت عالي… وعالي أوي كمان، لأني شخص بتاع شغل وفِرك، وبحب أبني وأعمل حاجات من الصفر.و أبدأ أظهر الجزء ده مني بدل ما أخبّيه، كفاية أوي إن أنتم، الناس اللي بتابعني من سنين، بتقولولي كلام بيسعد قلبي ويديني طاقة أكمل، وأذوق، وأبني، وأجرّب، وأعمل حاجات أكتر، وشكراً بقى للناس اللي حواليا، أهلي وأصحابي، اللي دعموني من قلبهم بجد، واللي فعلاً عايزين يشوفوني بنجح وبيفرحوا من قلبهم، ربنا يخليكوا ليا، أنا بقى من هنا ورايح، هبطل أستخبى ورا شغلي. هقف جنبه، وهتكلم عنه، وهسوّق له، وهفتخر بيه”.
