"من غيرك مكنتش هتجاوز وفاة أمي".. محمد عطية يوجّه رسالة مؤثرة لأكرم حسني
حرص الفنان محمد عطية على تهنئة النجم أكرم حسني بمناسبة عيد ميلاده ، حيث وجه له رسالة توضح مدى قوة الصداقة والمحبة بينهما ، مشيراً إلى أنه كان بجانبه في تخطي أصعب فترات حياته بعد وفاة والدته .
وكتب محمد عطية عبر صفحته الشخصية على موقع التواصل الاجتماعي انستجرام : كل سنة وأنت طيب يا أكرم.. الحمد لله على وجودك في حياتي.. أنا بحس أن دعوة أمي ليا جاتلي في أصحابي و خصوصا إنت ، صديق زي اللي بيطلعوا في أفلام السينما و الروايات.
وأضاف : مفيش حد كده في الزمن ده أنا مهما كتبت كلام مش هعرف أقولك شكرا على كل حاجة عملتها ساعدتني أعدي أصعب فترة عدت عليا في حياتي ، مستحيل كنت أقدر أتجاوز و اتأقلم مع الحياة بعد وفاة أمي من غيرك.
وتابع : بتعرف تحتوي كل اللي حواليك حتى لو انت مش تمام بتبقى حريص إن كل اللي بتحبهم يكونوا تمام ، أنا بتمنالك في عيد ميلادك إنك كل اللي عملته معايا يتردلك خير ، ربنا يديم المعروف و نفضل أخ و سند ليا دايما بحبك يا صاحبي .
